އަމީނީމަގުގެ އެންމެ ފަހު ދެ ސެގުމެންޓުގެ ތެރެއިން އެންމެ ފުރަތަމަ ސެގުމެންޓުގައި ތާރު އެޅުމަށް ތައްޔާރު ވެއްޖެއެވެ.

އެގޮތުން ތާރުއެޅުމުގެ ކުރިން ނިންމަންޖެހޭ މަސައްކަތްކުގެ ތެރޭގައި ހިމެނޭ  ޕަންޕް ސްޓޭޝަންތައް ހެދުމާއި، ޕޭމަންޓް ކައިރީގައި ޖަހަންޖެހޭ ގައުތައް ޖެހުމާއި، އަދި މީގެ އިތުރުން  ކޭބަލްތައް ވަޅުލުން ފަދަ  މަސައްކަތް ވަނީ އެއްކޮށް ނިންމާލެވިފައެވެ.

އާރުޑީސީގެ ފަރާތުން ކުރަމުން ގެންދާ މި މަސައްކަތުން އަމީނީމަގުގެ ދިވެހިރާއްޖޭގެ އަޑުން ފެށިގެން ފުޑްކޯޓް ނިމޭ ސަރަޙައްދު މިހާރުވަނީ ފަސްގަނޑު އެއްވަރުކޮށް ނިންމާ، އެ ސަރަޙައްދުގައި ތާރު އެޅުމުގެ ކުރިން އަޅަންޖެހޭ އޭބީސީ ލޭޔަރު އެޅުމުގެ މަސައްކަތް ފަށާފައެވެ.

ނިމިދިޔަ ސަރުކާރުން 2022 ވަނަ އަހަރު ކުރަން ފެށި މި މަސައްކަތުން ނުނިމިވާ ދެ ސެގުމެންޓުގެ މަސައްކަތް މި ސަރުކާރުން ފަށާފައިވަނީ މި ދިޔަ ޑިސެމްބަރު ބަހުގެ 9 ވަނަ ދުވަހުއެވެ. އާރު ޑީސީ ގެފަރާތުން މައުލޫމާތު ދެއްވާ ގޮތުގައި މޫސުން ރަނގަވެ، ތާވަލާއި އެއްގޮތަށް މަސައްކަތްކުރިއަށް ދާނަމަ ކުރިއަށް އޮތް މަހެއްހާ ދުވަސް ތެރޭގައި އަމީނީ މަގުގެ މަސައްކަތް އެއްކޮށް ނިންމާ އާއްމުނަށް މަގު ހުޅުވާލެވޭނެއެވެ.