މިހާރުގެ ރައީސުލް ޖުމުހުރިއްޔާ ޑރ. މުހައްމަދު މުއިއްޒު ކެމްޕޭންގެ ތެރޭގައި ވަޢުދުވެ ވަޑައިގެންނެވި ފަދައިން ވިލިމާލޭގައި ޢިމާރާތްކުރުމަށް ހަމަޖެހިފައިވާ 100 އެދުގެ ހޮސްޕިޓަލުގެ ޢަމަލީ މަސައްކަތް މިއަހަރު ފެށިގެންދާނެ ކަމަށް ސިއްޙަތާއި ބެހޭ ވަޒީރު ޑރ. އަބުދުالله ޚަލީލު ވިދާޅުވެއްޖެއެވެ.

މިނިސްޓަރ ޚަލީލު މިފަދައިން ވިދާޅުވީ ވިލިމާލެ ހޮސްޕިޓަލުގައި ސީ އެމްބިޔުލާންސްގެ ޚިދުމަތް ތަޢާރަފުކުރުމަށް މިއަދު ހެދުނު ބޭއްވުނު ރަސްމިއްޔާތުގައި ވާހަކަފުޅު ދައްކަވަމުންނެވެ.

"މިހާރު މިވަނީ މިރަށުގައި ޤާއިމުކުރެވޭ 100 އެދުގެ ހޮސްޕިޓަލުގެ މަސައްކަތް ފެށިފަ، މިހާރު އަޅުގަނޑުމެން މިތިބީ އޭގެ ޑިޒައިން ފޭސްގަ، މާ ލަސްތަކެއް ނުވެ އިރާދަ ކުރެއްވިޔާ ތިޔަ ބޭފުޅުންނަށް ފެނިގެން ދާނެ މި ފެށުނު އާއަހަރު އެކަން ހަޤީގަތަކަށް ވެގެން ދާ މަންޒަރު" މިއަދުގެ ހަފްލާގައި ހެލުތު މިނިސްޓަރ ޑރ. ހަލީލި ވިދާޅުވިއެވެ.

Advertisement

މިއަދުގެ މި ރަސްމިއްޔާތުގައި ޑރ. ޚަލީލުވަނީ މިހާރުގެ ރައީސުލް ޖުމުހުރިއްޔާ ޑރ. މުހައްމަދު މުއިއްޒުގެ ފަހަތްޕުޅުގައި ތިއްބެވުމަށް ވިލިމާލެ ރައްޔިތުންގެ ކިބައިން އެދިވަޑައިގެންފައެވެ.

ޑރ. ޚަލީލުގެ ވާހަކަ ފުޅުގައި ވޭތުވެދިޔަ ސަރުކާރުން ވިލިމާލެ އަވަށް ބާކީ ކޮށްލައިފައިވާ އޮތުން މިސަރުކާރުން ނިމުމަކަށް ގެންނަވާނެކަމަށް ވަނީ ވިދާޅުވެފައެވެ.

"އަޅާނުލެވި އޮތް ސަހަރެއްގެ ގޮތުގައި މި އަވަށް އޮތް އޮތުން  ޑރ. މުހައްމަދު މުއިއްޒުގެ ސަރުކާރުގައި ނިމުމަކަށް އަންނަތަން ފެންނާނެ، މީ އަޅާލާ ސަރުކާރާއި އެއްކޮށް ތިބި ރައްޔިތަކު ދިރިއުޅޭ  ސަހަރެއް ކަމުގައި ތިޔަބޭފުޅުން ހައްދަވައި ދެއްވާ، އިރާދަކުރެއްވިއްޔާ އަޅުގަނޑުމެން ސާބިތު ކޮށްދޭނަށް ތިޔަބޭފުޅުންނާއި އަޅުގަނޑުމެންނާއި އޮތް ގުޅުން " މިއަދުގެ ވާހަކަ ކޮޅު ނިންމާލައްވަމުން މިނިސްޓަރ ޚަލީލު ވިދާޅުވިއެވެ.