ނުކުޅުދެންތެރިކަން ހުންނަ މީހުންނަށް ރައްކާތެރި ތަނަކަށް މާލެ ހައްދަވާނެކަމަށާއި، އެފަދަ ފަރާތްތަކަށް އިތުރު ތަކުލީފެއް އަދި އުދަގުލެއް ލިބުނަ ދީގެން ނުވާނެކަމަށް ސަރުކާރުގެ ފަރާތުން މާލޭ މޭޔަރުކަމަށް ވާދަކުރައްވާ ކެނޑިޑޭޓް، އާޒިމް ޝަކޫރު ވިދާޅުވެއްޖެއެވެ.
އެކަމަނާ މިފަދައިން ވިދާޅުވެފައިވަނީ "ހަމަ ކޮންމެ މީހަކަށް ވެސް ރައްކާތެރިކަމާއި ހަމަޖެހުމާ އެކު ދިރިއުޅޭ ރަށަކަށް" މި ޝިޔާރުގެ ދަށުން އެކުލަވާލާފައިވާ އެކަމަނާގެ މެނިފެސްޓޯ އިފުތިތާހު ކުރުމަށް ބޭއްވި ހަފުލާގައި ރޭ ވާހަކަފުޅު ދައްކަވަމުންނެވެ.
"އަޅުގަނޑުމެންގެ ތެރޭގައި ޑައިވާސިޓީއަށް ފުރުސަތު ދޭން ޖެހޭ. ކިތަންމެ ޑިސޭބިލިޓީސް ތަފާތު ވިއަސް އަދި އެމީހެއްގެ ގާބިލުކަން ތަފާތުވިއަސް އަޅުގަނޑުމެންގެ ތެރޭގައި ޖާގައެއް ލިބެން ވާނެ. އަޅުގަނޑުމެން ޑިސްއޭބަލް މީހުންނަށް މިހާރު ހުރި ޑިސްއޭބިލިޓީއަށްވުރެ އިތުރު ޑިސްއެބިލިޓީއެއް ދައުލަތުން ހަދައިގެން ނުވާނެ"
އާޒިމާ ވިދާޅުވިއެވެ.
ރޭގެ ހަފުލާގައި އާޒިމާ ވަނީ އެކަމާގެ މެނިސްފެސްޓޯގައި ހިމެނޭ އިތުރުބައެއް ކަންތައްތަކާއި ގުޅޭގޮތުންވެސް ވާހަކަ ދައްކަވަފައެވެ. އެގޮތުން ކޮމިޔުޓީ ސެންޓަރތައް ޤާއިމު ކުރައްވާނެކަމަށް ވިދާޅުވެ އެކަމުގެ ތަފްސީލްދެއްވިއެވެ.
އާޒިމާ ވިދާޅުވީ މާލެ ސަރަހައްދުގައި ކޮމިއުނިޓީ ސެންޓަރުތައް ގާއިމްކޮށް، އެ ތަނުގައި ހަމަޖެހިލައިގެން ކޮންމެ މީހަކަށް ވެސް ތިބެވޭނެ ގޮތް ހައްދަވައިދެއްވާނެ ކަމަށާއި، އެ ތަނުން ޓިއުޝަން ދިނުން ފަދަ ކަންކަމަށް ކޮޓަރި ނުވަތަ ފްރީލާންސް މަސައްކަތްތެރިންނަށް ސްޓޫޑިއޯ ސްޕޭސް ފަދަ ތަންތަން ފޯރު ކޮށްދެއްވާނެ ކަމަށެވެ.
އާޒިމާ އިތުރަށް ވިދާޅުވީ، ވާދަވެރި ކެމްޕެއިނެއްގެ ތެރޭގައި އެކަމަނާ ހުންނެވީ އިތުބާރާއި ޔަޤީންކަމާއި އެކު ކަމަށާއި އޭގެ ސަބަބަކީ އެކަމަނާއަށް މަގު ދައްކަވަން ކުރިމަތީގައި ހުންނެވީ ރައްޔިތުން ބަލައިގަނެ، ނަތީޖާ ނެރެދެއްވާފައިވާ ރައީސް ޑރ. މުހައްމަދު މުއިއްޒު ކަމަށް ވާތީ ކަމަށެވެ.
މާލޭ މޭޔަރުކަމުގެ އިންތިހާބުގައި ޢާޒިމާ އާއިއެކު އަދި އިތުރު 4 ބޭފުޅަކު ވާދަކުރައްވައެވެ.
Advertisement
This content is created and paid for by advertisers and does not involve Voice Journalists
