ދިވެހިރާއްޖޭގައި މިހާރު ވެރިކަން ކުރައްވަމުން ގެންދަވާ ރައީސް ޑރ. މުހައްމަދު މުއިއްޒުގެ ސަރުކާރު ވެރިކަމަށް ވަޑައިގެންނެވީ ރައްޔިތުންނަށް މިޝަންތަކަކާއި، އަމާޒު ތަކަކާއި، މުސްތަގުބަލަކާއި އަދި ތަސައްވުރެއް ހިފައިގެން ކަމަށް ޕީޕީއެމް/ޕީއެންސީގެ ޓިކެޓުގައި މާލޭގެ މޭޔަރު ކަމަށް ވާދަކުރައްވާ އައިޝަތު އާޒިމާ ޝަކޫރު ވިދާޅުވެއްޖެއެވެ.
އުސްތާޛާ އާޒިމާ މިފަދައިން ވިދާޅުވެފައި ވަނީ ރައީސް ޑރ. މުހައްމަދު މުއިއްޒު ވެސް ބައިވެރިވެ ވަޑައިގެން މިއަދު ހެދުނު ވިލިމާލޭގައި ބޭއްވުނު އެކަމަނާގެ ކެންޕެއިން އިވެންޓެއްގައި ވާހަކަފުޅު ދައްކަވަމުންނެވެ.
މިއަދުގެ ހެދުނުގެ ވަގުތުގައި ވިލިމާލޭގައި ބޭއްވުނު މި ކެންޕެއިން ހަރަކާތުގައި ގިނަ އަދަދެއްގެ ބަޔަކު ބައިވެރިވިކަން ފާހަގަ ކުރައްވާ އާޒިމާ ވިދާޅުވީ މިއަދުގެ އިވެންޓުން އެކަމަނާގެ އުންމީދު އާވެގެން ހިނގަންޖެ ކަމަށެވެ.
"މިހާ ހެނދުނާ ތި ހުރިހާ ރައްޔިތުން ނިކުމެ ރައީސްގެ ފަހަތްޕުޅުން އަޅުގަނޑާއި އެކުގައި ތިއްބެވިކަން ދައްކުވައިދީފި. އެހެން ނުވާންވީ ސަބަބެއް ވެސް ނެތް. މި ސަރުކާރު ވެރިކަމާ ހަވާލުވެ ވަޑައިގަތީ ރައްޔިތުންނަށް މިޝަންތަކަކާއި، ވިޝަންތަކަކާއި ، މުސްތަގުބަލަކާއި، ތަޞައްވުރެއް ހިފައިގެން. އެ މުސްތަޤުބަލް ތަންފީޒު ކުރުމަށްޓަކައި މަސައްކަތް ކުރަމުންދާ ސްޕީޑު ތި އެންމެހާ ރައްޔިތުންނަށް ޤަބޫލުފުޅު ކުރެވޭނެ."
އާޒިމާ ވިދާޅުވިއެވެ.
ރައީސް ޔާމީން ގެ ސަރުކާރުގައިވެސް lއިސް މުޙިއްމު މަޤަމުތަކެއް އަދާކުރައްވާފައިވާ އާޒިމާ ވިދާޅުވީ މޭޔަރު ރޭހަށް ނިކުމެވަޑައިގަތީ ހަޤީގަތުގައިވެސް ޑރ. މުހައްމަދު މުއިއްޒުގެ އަރިހުގައި ދައުލަތައް ޚިދުމަތް ކުރުމުގެ މަޤުޞަދުގައި އަދި ފުރިހަމަ އަޒުމުގައި ކަމަށެވެ.
އެގޮތުން މިއަދުގެ ހަފުލާގައި ވިލިގިލީގެ ރައްޔިތުންނަށް އެކަމަނާ ދެއްވި ޔަޤީން ކަމަކީ އެކަމަނާ މާލޭ މޭޔަރުކަމަށް އިންތިހާބުކޮށް ދެއްވައިފި ނަމަ ތަފާތު ދައްކުވައި ދޭނެކަމުގެ ޔަޤީންކަމެވެ.
Advertisement
This content is created and paid for by advertisers and does not involve Voice Journalists
