ވެމްކޯއަކީ ހަމައެކަނި މާލެސިޓީއަށް ޚިދުމަތްދޭ ކުންފުންޏެއް ނޫންކަމަށް ވެމްކޯގެ ޑެޕިޔުޓީ މެނޭޖިންގ ޑިރެކްޓަރ އަލްފާޟިލް މުޙައްމަދު ޢަބުދުލް ކަރީމް (ރުކުމާ) ވިދާޅުވެއްޖެއެވެ.
ވެމްކޯގެ ޑީއެމްޑީ ރުކުމާ މިފަދައިން ބުނެފައިވަނީ މާލޭ މޭޔަރުކަމަށް ވާދަކުރައްވާ ޑިމޮކްރެޓްސްގެ ކެންޑިޑޭޓް މުޙައްމަދު ސައިފް ފާތިޙް ސަންގު ބަހުސްގައި ދެއްކެވި ވާހަކައަކަށް ރައްދު ދެއްވަމުންނެވެ.
ސަންގު ޓީވީ ބަހުސްގައި ޑިމޮކްރެޓްސްގެ ކެންޑިޑޭޓް ސައިފު ވިދާޅުވެފައި ވަނީ އެންމެ މުޙިއްމު ކަމަކީ މާލެ ސިޓީ ކައުންސިލްގެ ދަށަށް ވެމްކޯ ގެނައުން ކަމަށެވެ.
މިކަމަށް ރައްދު ދެއްވާ ރުކުމާ އެކްސްޕޯސްޓް މެދުވެރިކޮށް ކުރި ޕޯސްޓެއްގައި ފާތިޙް ޓެގްކޮށް ބުނެފައިވަނީ ވެމްކޯއަކީ ހަމައެކަނި މާލެސިޓީއަށް ޚިދުމަތްދޭ ކުންފުންޏެއް ނޫން ކަމަށާއި މޭޔަރުކަމަށް ވާދަކުރާއިރު ރަނގަޅަށް ހޯމްވޯކް ހަދަން ޖެހޭ ކަމަށެވެ.
"މޭޔަރުކަމަށް ވާދަކުރާއިރު ހޯމްވޯކް ނުހަދާ ދުލުން ދޫކޮށްލެވޭ ބަހަކުން އިންވެސްޓަރސް އާއި މާލީ އިދާރާތަކުގެ ކުރިމަތީ އަގުވެއްޓި، ފޫނުބެއްދޭ ވަރުގެ ގެންލުމާ ކުރިމަތިލާންޖެހިދާނެ. ތިލަފުށީގައި ކުރިއަށްދާ 151$ މިލިއަން ޑޮލަރުގެ ގްރޭޓަރ މާލެ (މާލެސިޓީ، ކ ، އއ،އދ އަދި ވ އަތޮޅުގެ ރަށްތަކާއި ރިސޯޓް) އެންވައިރޮމެންޓަލް އިމްޕްރޫވްމަންޓް ޕްރޮޖެކްޓް އެންޑް ވޭސްޓް މެނޭޖްމެންޓް ޕްރޮޖެކްޓަކީ އޭޑީބީ ހިލޭއެހީއާ އަދި ލޯނު އެކުލެވޭ ސްޓޭޓް އޮފް ދި އާޓް ޕްރޮޖެކްޓެއް."
ވެމްކޯގެ ޑީއެމްޑީ ރުކުމާގެ އެކްސްޕޯސްޓުގައި ބުނެފައި ވެއެވެ.
" ވިސްނުމެއްނެތި ކޮށްފި ކަމަކުން އެންމެ ފަހަރަކު ދޭހުގާ
ގިސްލަމުން ހިތި ކަރުނަ އޮހޮރަންޖެހިދެޔޭ އުމުރަށް މުޅިން"
ރުކުމާގެ މި އެކްސްޕޯސްޓް ނިންމާލައިފައިވަނީ ވަނީ މަތީގައިވާ އިބުރަތްތެރި ޅެންބައިތުންނެވެ.
ސަންގު ބަހުސްގައި ފާތިހް ދެއްކެވި މި ވާހަކަ އާއި ގުޅިގެން ރުކުމާގެ އިތުންވެސް ވަރަށް ގިނަ ބަޔަކު ގެންދަނީ ފާތީޙް އަށް ފާޑުކިޔަމުންނެވެ.
މާލޭ މޭޔަރުކަމަށް 4 ބޭފުޅަކު ވާދަކުރައްވާއިރު މި އިންތިހާބު އޮންނާނީ މި މަހުގެ 13 ވަނަ ދުވަހުއެވެ.
Advertisement
This content is created and paid for by advertisers and does not involve Voice Journalists
