ރައީސް ޑރ. މުހައްމަދު މުއިއްޒުގެ ސަރުކާރުން ވެރިކަމާއި ހަވާލުވެ، މާލޭގެ ޓްރެފިކް މައްސަލައަށް ހައްލު ގެނައުމަށް ކުރަން ފެށި މަސައްކަތުން މާލޭ ސަރަހައްދުގައި ވެހިކަލް ރަޖިސްޓްރީ ކުރާ އަދަދު ބޮޑުތަނުން މަދު ކުރެވިއްޖެ ކަމަށް ދަތުރުފަތުރާއި މަދަނީ އުދުހުންތަކާ ބެހޭ ވަޒީރު މުޙައްމަދު އަމީން ވިދާޅުވެއްޖެއެވެ.
މިނިސްޓަރު އަމީން މިފަދައިން ވިދާޅުވީ މާލޭ ސަރަހައްދުގެ އިންޓަގްރޭޓެޑް ޓްރާންސްޕޯޓް މާސްޓަރ ޕްލޭންގެ މަސައްކަތް އިފްތިތާޙު ކުރުމަށް މިއަދު ބޭއްވި ރަސްމިއްޔާތުގައި ވާހަކަ ދައްކަވަމުންނެވެ.
މިނިސްޓަރއަމީން ވިދާޅުވީ ނިމިދިޔަ ރައީސް އިބުރާޙިމް މުޙައްމަދު ޞާލިޙްގެ ސަރުކާރުގައި ދުވާލެއްގެ މައްޗަށް 200 ވެހިކަލް ނޫނީ 300 އެއްހާ ވެހިކަލް ރެޖިސްޓްރީ ކުރާ ކަމަށެވެ. އެހެން ނަމަވެސް މިހާރު އެ އަދަދު ވަރަށް ބޮޑުތަނުން މަދު ކުރެވިފައިވާ ކަމަށެވެ.
"ތަފާސް ހިސާބު ދައްކާ ގޮތުން އޭރުގަ 300 އެއްހާ ވެހިކަލް ދުވާލެއްގެ މައްޗަށް ރެޖިސްޓްރީ ކުރާކަން ހާމަވޭ. އެކަމަކު މިހާރު އަޅުގަނޑުމެން އެ އަދަދު 25 އާ 30 އާ ދެމެދަށް ދަށް ކޮށްފިން. ކުރިން އެ ރެޖިސްޓްރީ ކުރި އަދަދަށް ބަލާފަ އުޅަނދުތައް އިތުރުވަމުން ދިޔަ މިންވަރަށް ބަލާނަމަ އަޅުގަނޑަށް ޤަބޫލު ކުރެވެނީ މާލެ އަކީ މީހުން ދިރިނޫޅެވޭ ވަރު ތަނަކަށް ވެގެން ދިޔުމުގެ ބިރު ބޮޑު."
މިނިސްޓަރ އަމީން
މިސަރުކާރުން ކުރިއަށް ރާއްވަވާފައިވާ ކަންތައްތައް ފާހަގަކުރައްވަމުން މިނިސްޓަރ އަމީން ވިދާޅުވި މާލޭ ސަރަހައްދަށް އެތެރެވާ އުނޅަދުފަހަރުތައް ރެގިޔުލޭޓް ކުރުމުގެ މަސައްކަތް ވަރަށް އަވަހަށް އެ މިނިސްޓްރީން ފައްޓަވާނެ ކަމަށެވެ.
Advertisement
This content is created and paid for by advertisers and does not involve Voice Journalists
