ކ އަތޮޅު ކ އަތޮޅު ކައުންސިލްގެ ރައީސް ކަމާއި، ށ. މަރޮށި އަދި ގދ. ފަރެސްމާތޮޑާ ކައުންސިލްގެ ހުސްވެފައިވާ މެންބަރު ކަމުގެ ގޮނޑި ވެރިކަން ކުރާ ޕީއެންސީއަށް ކަށަވަރުވެއްޖެއެވެ. 

މި ތިން ބައި-އިލެކްޝަން ބޭއްވުމަށް ހަމަޖެހިފައި އޮތީ އަންނަ ފެބުރުއަރީ މަހުގެ 10 ވަނަ ދުވަހުއެވެ. 

ނަމަވެސް އެ ތިން ބައި އިލެކްޝަނަކަށް ހުޅުވާލުމުން ވަގުތު ހަމަވީއިރު މަގާމުތަކަށް ކުރިމަތިލާފައި ވަނީ އިންތިހާބު ކުރަން ޖެހޭ އަދަދަށް ކަމަށް ވާތީ ވޯޓެއް ނެތި އެ މަގާމުތަކަށް މެންބަރުން އިންތިހާބު ވެފައިވާ ކަމަށް އިލެކްޝަންސް ކޮމިޝަނުން ވަނީ ބުނެފައެވެ. 

Advertisement

އެގޮތުން ކ. އަތޮޅު ކައުންސިލްގެ ރައީސް ކަމަށް އިންތިހާބުވެވަޑައިގެންފައިވަނީ އަހްމަދު އަނީސްއެވެ. އަދި ށ. މަރޮށި ކައުންސިލް މެންބަރު ކަމަށް ހުސައިން ނާޒިމް އިންތިހާބުވެޑައިގެންފައިވާއިރު ގދ. ފަރެސްމާތޮޑާ ކައުންސިލްގެ މެންބަރު ކަމަށް އިންތިހާބުވެޑައިގަތީ ހަސަން އާސިމްއެވެ.

މި ތިން ބޭފުޅުންނަކީވެސް ސަރުކާރު ހިންގާ ޕީއެންސީގެ ޓިކެޓްއި އެ މަގާމުތަކަށް ކުރިމަތިލެއްވި ބޭފުޅުންނެވެ.

މި ތިން ބައި- އިލެކްޝަންސް ގެ އިތުރުން އެދުވަހު ބޭއްވުމަށް ހަމަޖެހިފައި އޮތް އއ ތޮއްޑޫ އަންހެނުންގެ ތަރައްޤީއަށް މަސައްކަތްކުރާ ކޮމިޓީގެ ބައި-އިލެކްޝަނަށް ކެންޑިޑޭޓުންގެ ގޮތުގައި ކުރިމަތިލުމަށް ދީފައިވާ މުއްދަތު ހަމަވިއިރު، ކުރިމަތިލާފައިވަނީ އިންތިޚާބު ކުރަންޖެހޭ އަދަދަށް ކަމަށް ވުމުން އެ ގޮނޑިވެސް ވެރިކަން ކުރާ ކޯލިޝަންގައި ހިމެނޭ ޕީޕީއެމް އަށް ވަނީ ކަށަވަރުވެފަ އެވެ. 

އެ ގޮނޑިއަށް އިންތިޚާބު ވެފައިވަނީ އއ ތޮއްޑޫ ވަސީމާ އިބްރާހީމެވެ.