ލޭންޑް ޔޫސް ޕްލޭން ފާސްކުރުމަށް މިއަދުން ފެށިގެން ދެން ހުށައަޅަން ޖެހޭނީ "ވަންގަވް" ޕްލެޓްފޯމް މެދުވެރިކޮށް ކަމަށް ގެދޮރުވެރިކަމާއި ބިމާއި އުމްރާނީ ތަރައްޤީއާ ބެހޭ ވުޒާރާއިން ހަމަޖައްސައިފިއެވެ.
އެ ވުޒާރާއިން އިއްޔެ ކުރި އިއުލާނެއްގައި ބުނީ ސަރުކާރުގެ ފުރަތަމަ 14 ހަފުތާގެ މަގުޗާޓުގައި ހިމެނިފައިވާ ފަދައިން، ލޭންޑް ޔޫސް ޕްލޭން ފާސްކުރުމުގެ ޚިދުމަތް ފަސޭހަކަމާއި އެކު ފޯރުކޮށް ދިނުމަށްޓަކައި، ޓްރޭޑްނެޓް މޯލްޑިވްސް ކޯޕަރޭޝަން ލިމިޓެޑް އާއި އެ މިނިސްޓްރީ ގުޅިގެން "ވަންގަވް" ޕްލެޓްފޯމް މެދުވެރިކޮށް މި ޚިދުމަތް ފޯރުކޮށްދިނުމަށް ހަމަޖެހިފައިވާ ކަމަށެވެ.
ގެދޮރުވެރިކަމާއި ބިމާއި އުމްރާނީ ތަރައްޤީއާ ބެހޭ ވުޒާރާއިން ލޭންޑް ޔޫސް ޕްލޭން ފާސްކުރުމަށް މާދަމާޢިން ފެށިގެން ދެން ހުށައަޅަން ޖެހޭނީ "ވަންގަވް" ޕްލެޓްފޯމް މެދުވެރިކޮށް ކަމަށް އިއުލާނުކޮށްފައިވާ އިރު ހަމަ އިއްޔެ އެ މިނިސްޓްރީން ވަނީ ބޯހިޔާވަހިކަމަށް ފޯމު ހުށަހެޅުމުން ވަގުތުން މާކްސް ފެންނަ ޕޯޓަލްއެއް ހަދައިދޭނެ ބަޔަކު ހޯދުމަށް ވެސް އިއުލާނުކޮށްފިއެވެ.
ރައީސް ޑރ. މުހައްމަދު މުއިއްޒުގެ މި ސަރުކާރުގެ 100 ދުވަހުގެ ވައުދުގެ ތެރޭގައިވެސް، ބޯހިޔާވަހިކަމަށް ފޯމު ހުށަހެޅުމާ އެކު، އެ ފޯމެއްގެ ދަރަޖަ ވަގުތުން އެނގޭ ގޮތަށް 'ހައުސިން އެޕްލިކޭޝަން ޕޯޓަލް'އެއް ގާއިމް ކުރުން ހިމެނެއެވެ.
މި ސަރުކާރުގެ ފަރާތުން 100 ދުވަހު ކުރުމަށް ކަނޑައަޅާފައިވާ ގިނަކަންތައްތަކެއް މިހާރުވެސް ފުރިހަމަ ކުރެވިފައިވާ ކަމަށާއި، ފުރިހަމަ ނުކުރެވިވާ ކަންތައްތައް ފުރިހަމަ ކުރުމަށްޓަކައި ވަރަށް ބޮޑަށް މަސައްކަތް ކުރަމުންދާކަމަށް ސަރުކާރުން މަޢުލޫމާތު ދެއްވައެވެ.
Advertisement
This content is created and paid for by advertisers and does not involve Voice Journalists
