ކުލަބު ޖީއެސްގެ ފަރާތުން އިންތިޒާމްކޮށްގެން ހއ.ހޯރަފުށީގައި މިދިޔައަހަރު ބޭއްވުނު އެކިއެކި ކުޅިވަރު މުބާރާތްތަކުގައި ރެފްރީގެ ގޮތުގައި މަސައްކަތް ކޮށްދެއްވި ފަރާތްތަކުގެ އަގުވަޒަންކުރުމުގެ ގޮތުން ޚާއްސަ ހަފްލާއެއް ބާއްވައިފި އެވެ.
މި ހަފްލާ އާއި ބެހޭގޮތުން ކުލަބު ޖީއެސްގެ ފަރާތުން މުއްސަދު އަސްލަމް ވޮއިސްއަށް މައުލޫމާތު ދިންގޮތުގައި، އެކުލަބުގެ ފަރަތުން މިފަދަ ހަފްލާއެއް ބޭއްވުމުގެ އެންމެ ބޮޑު މަގުސަދަކީ މިރަށުގައި ބާއްވާ ކުޅިވަރު މުބާރާތްތައް ކާމިޔާބުކަމާއިއެކު ކުރިއަށް ގެންދިއުމަށްޓަކައި ރެފްރީން ކޮއްދެއްވާ އަގުހުރި މަސައްކަތުގެ އަގުވަޒަންކޮށް އެފަރާތްތަކަށް ހިތްވަރު ދިނުމެވެ.
ރެފްރީގެ ގޮތުގައި ވަރަށް މަދު ބައެއް މިތިބީ އަދި ގިނަ މުބާރަތްތަކެއް އަހަރުތެރޭގައި ބޭއްވިގެން ދާއިރު، ވަރަށް ވަގުތު އެބޭފުޅުން އެދެނީ ކުޅިވަރަށް.. މީގެއިތުރުން ވެސް ކޮންމެ މުބާރާތެއް ވެސް ކާމިޔާބުކަމާއެކީ ނިންމާލުމަށް އެންމެ ބުރަ މަސައްކަތެއް ކުރަބަޔަކީ ރެފްރީ މިސަބަބާހުރެ އެބޭފުޅުންގެ މަސައްކަތުގެ އަގުވަޒަންކޮށް ހިއްވަރު ދިނުމަށް ޚާއްސަ ހަފްލާއެއް ބޭއްވުނަށް ކުލަބުން ނިންމީއެވެ.
މީގެއިތުރުން ވެސް އެކި ކުޅިވަރުތަކަށް ރެފްރީ ތަމްރީނު ކުރުމަށާއި މިހާރު ރެފްރީކަން ކުރަމުން އަންނަ ފަރާތްތަކަށް އިތުރު ތަމްރީނާއި ތަޖުރިބާގެ ފުރުސަތު ހޯދައިދިނުމުގައި ކުލަބުން އެހީތެރިވެދިނުމުގެ އިތުރުން 2024 ވަނަ އަހަރު އެންމެ ރަނގަޅަށް މަސައްކަތްކުރާ ރެފްރީއަކަށް ކުލަބުގެ ފަރާތުން ރެފްރީ ފުލް ގިއަރ ސެޓެއް ހަދިޔާކުރުމަށް ވަނީ ނިންމާފައެވެ.
Advertisement
This content is created and paid for by advertisers and does not involve Voice Journalists
