މާލޭގެ ކެފޭއެއް ތެރޭގައި ގޭސް ފުޅިއެއް ގޮވާ އެ ކެފޭގެ ކައްކާ އާއި އިތުރު ދެ މީހަކަށް އަނިޔާވެއްޖެ އެވެ.

މަޢުލޫމާތު ލިބިފައިވާ ގޮތުގައި މި ހާދިސާ ހިނގާފައިވަނީ ހެންވޭރު ކިނބިގަސް މަގުގައި ހުންނަ ފާސްޓްފުޑް އެންޖީބީއެސް އައުޓްލެޓެއްގަ އެވެ.

އެމްއެންޑީއެފުން މަޢުލޫމާތު ދެއްވިގޮތުގައި އެ ހާދިސާ އާއި ގުޅިގެން އެމްއެންޑީއެފް ފަޔަރ އެންޑް ރެސްކިޔު ސަރވިސްއިން ވަނީ އެ ސަރަހައްދުގައި ހަރަކާތްތެރިވެފައެވެ.

Advertisement

އެމްއެންޑީއެފުން އިތުރަށް ބުނެފައިވާ ގޮތުގައި‏ މި ހާދިސާގައި 3 މީހަކަށް އެކިވަރުގެ އަނިޔާތައް ލިބިގެން ހޮސްޕިޓަލަށް ގެންގޮސްފައިވާކަމުގެ ރިޕޯޓްވަނީ ލިބިފައެވެ.

މީގެ ތެރެއިން އެންމެ ބޮޑަށް މި ހާދިސާގައި އަނިޔާވެފައި ވަނީ އެ ރެސްޓޯރެންޓްގައި މަސައްކަތް ކުރަމުންދާ ސްރީ ލަންކާ ޝެފަށް ކަމަށްވެސް  އެމްއެންޑީއެފުން މަޢުލުމާތު ދެއްވައެވެ.

މި ހާދިސާގައި އެ ކެފޭ ހިންގާ ޢިމާރާތައްވެސް ވަނީ ވަރަށް ބޮދަށ ގެއްލުން ލިބިފައެވެ. އެގޮތުން  ކެފޭގެ ބިއްލޫރިގަނޑު ވަނީ ވަރަށް ބޮޑަށް ތަޅައިގެން ގޮސްފަ އެވެ.

މާލޭގައި މިދޭތެރެ ދޭތެރެއިން މިފަދަ ގޮތަކަށް ގޭސް ލީކުވެ ގޭސްފުލި ގޮވުމުގެ ހާދިސާތައް ހިނގާފައިވެއެވެ. އެގޮތުން  މީގެ ދެ ހަފުތާ ކުރިން ވެސް މާލޭގެ ގެއެއްގެ ތެރޭގައި ގޭސް އެކްސްޕްލޯޝަނެއް ހިނގައި އަންހެނަކަށް ވަނީ ވަރަށް ބޮޑަށް އަނިޔާވެފައެވެ.

އެހެންކަމުން ގޭސްފުޅި ބޭނުންކުރުމުގައި އިތުރަށް ސަމާލުވުމަށް ކަމާބެހޭ ފަރާތްތަކުން އިލްތިމާސްކުރައްވައެވެ.