ބުލައިންޑް އެސޯޝިއޭޝަނުން މިހިނގާ 2024 ވަނަ އަހަރު ކުރިއަށް ގެންދިއުމަށް ހަމަޖެހިފައިވާ އޮންލައިން ހިފުޒް ކުލާހާއި، އަރަބި ކުލާހުގައި ބައިވެރިވުމުގެ ފުރުޞަތު އެ ޖަމްޢިއްޔާއިން ހުޅުވާލައިފިއެވެ.

އެ ޖަމްޢިއްޔާއިން މަޢުލޫމާތު ދެއްވި ގޮތުގައި މިއީ ފެނުމުގެ ނުކުޅެދުންތެރިކަން ހުންނަ ފަރާތްތަކަށް މުޅިން ހިލޭ އެ ޖަމުއިއްޔާގެ ފަރާތުން ކުރިއަށް ގެންދާ ކުލާސްތަކެކެވެ.

އެ ޖަމއުއިއްޔާ އިން ކުރިއަށް ގެންދިއުމަށް ހަމަޖެހިފައިވާ މި ކުލާސްތަކުގައި ބައިވެރިވާން ބެނުންވާ ފަރާތްތަކުންނާއި އަދި ހިލޭސާބަހަށް ޓީޗަރުންގެ ގޮތުގައި ކިޔަވައި ދިނުމަށް ޝަޢުޤުވެރިވާ ފަރާތްތަކުން މ މިހިނގާ ޖެނުއަރީ މަހުގެ 23 ވާ އަންގާރަ ދުވަހުގެ ކުރިން އެސްއެމްއެސް މެދުވެރިކޮށް ނަން ނޯޓް ކުރެއްވުމަށް ވެސް އެ ޖަމްއިއްޔާއިން އެދި ލައްވައެވެ.

Advertisement

އެގޮތަށް މެސެޖު ކުރައްވާއިރު ފުރިހަމަ ނަމާއި، ބައިވެރިވާން ބޭނުންވަނީ ދަރިވަރެއްގެ ގޮތުގައިކަން ނުވަތަ މުދައްރިސެއްގެ ގޮތުގައިކަން ރަނގަޅަށް ޖެއްސެވުމަށާއި ،އަދި ބައިވެރިވާން ބޭނުންވާ ކުލާސް ނުވަތަ ކުލާސްތަކުގެ ނަން ޖެއްސެވުމަށް ވެސް އެ ޖަމްއިއްޔާއިން އެދި ލައްވައެވެ.

ބުލައިންޑު އެސޯސިއޭޝަން އިން ހާމަކުރެއްވި ގޮތުގައި ނަން ނޯޓްކުރުމަށް އެސްއެމްއެސް ފޮނުވުމަށާއި، އަދި މިކަމާއި ގުޅޭ އިތުރު މަޢުލޫމާތު ސާފުކުރެއްވުމަށް ގުޅުއްވާނީ އެ ޖަމްޢިއްޔާގެ ހޮޓްލައިން ނަމްބަރ 7553755 އާއެވެ.

ބުލައިންޑު އެސޯސިއޭޝަން އަކީ ރާއްޖޭގައި ދިރިއުޅެމުންގެންދާ ނުކުޅެދުންތެރިކަން ހުންނަ ވަކިން ހާއްޞަކޮށް ފެނުމުގެ ނުކުޅެދުންތެރިކަން ހުންނަ ފަރާތްތަކަށް ތަފާތު ގިނަ ޕްރޮގްރާމުތަކެއް ހިންގަމުން ގެންދާ ފަރާތެކެވެ.