ރައީސުލް ޖުމުހުރިއްޔާ ޑރ. މުޙައްމަދު މުއިއްޒަކީ ރައްޔިތުންގެ އަޑުއަހައި، ރައްޔިތުންގެ ފިކުރާއި ވިސްނުމާއި އެއްގޮތަށް ވެރިކަން ކުރައްވާނެ ވެރިއެއްކަމަށް ނައިބު ރައީސް އަލްއުސްތާޛު ހުސެއިން މުޙައްމަދު އަބުދުއްލަތީފް ވިދާޅުވެއްޖެއެވެ.
ނައިބު ރައީސް މިފަދައިން ވިދާޅުވެފައި ވަނީ މިރޭ ކުރެއްވި އެކްސް ޕޯސްޓެއްގައެވެ.
ބެލެވޭ ގޮތުގައި ނައިބުރައީސް މި ޕޯސްޓު ކުރައްވާފައި މިވަނީ ޕީޕީއެމް/ޕީއެންސީ ކޯލިޝަންގެ ޓިކެޓުގައި ވާދަކުރަން ހުށައަޅާފައިވާ އެންމެންނަށް ޕްރައިމަރީގައި ވާދަކުރެވޭނެ ކަމަށް ރައީސް ޑރ.މުހައްމަދު މުއިއްޒު މިއަދު ނިންމެވި ނިންމެވުމާއި ގުޅިގެންނެވެ.
ނައިބު ރައީސް މިރޭ އެކްސް މެދުވެރިކޮށް ކުރެއްވި ޕޯސްޓުގައި އިތުރަށް ވިދާޅުވެފައި ވަނީ ރައީސް ޑރ. މުހައްމަދު މުއިއްޒުގެ މުޅި ސަރުކާރު ބިނާކުރައްވަނީ ރައްޔިތުން އެދޭ ފަދަ ފުރިހަމަ ޙިދުމަތެއް ދެވޭނެ ފަދަ ގޮތަކަށް ކަމަށެވެ.
"ރައީސް ޑރ.މުހައްމަދު މުއިއްޒު އަކީ ރައްޔިތުންގެ އަޑުއަހައި، ރައްޔިތުންގެ ފިކުރާއި ވިސްނުމާއި އެއްގޮތަށް ވެރިކަން ކުރާނެ ވެރިއެއް. އެމަނިކުފާނުގެ މުޅި ސަރުކާރު ބިނާކުރައްވަނީ ރައްޔިތުން އެދޭ ފަދަ ފުރިހަމަ ޙިދުމަތެއް ދެވޭނެ ބައްޓަމަށް. ރމ. ސަރުކާރު އަބަދުވެސް އޮންނާނީ ތިޔަ ރައްޔިތުންނާއިއެކު"
ނައިބު ރައީސްގެ ޕޯސްޓުގައި ވިދާޅުވެފައިވެއެވެ.
ނައިބު ރައީސް މިފަދައިން ވިދާޅުވެފައި ވާއިރު ރައީސް ޑރ. މުހައްމަދު މުއިއްޒުގެ ސަރުކާރުން ގެންދަވަނީ ވެރިކަމަށް ވަޑައި ގަންނަވަމުން ރައްޔިތުންނަށް ވީ ވަޢުދުތައް ފުރިހަމަ ކުރެއްވުމަށް މަގުޗާރޓެއް އެކުލަވާލައި އެ މަގުޗާޓާއި އެއްގޮތަށް މަސައްކަތް ކުރައްވަމުންނެވެ.
Advertisement
This content is created and paid for by advertisers and does not involve Voice Journalists
