ރައީސުލްޖުމްހޫރިއްޔާއަށް ޤާނޫނު އަސާސީގެ 116 ވަނަ މާއްދާއިން ލިބިވަޑައިގަންނަވާ ބާރުގެ ދަށުން އުފައްދަވާފައިވާ "މޯލްޑިވްސް ޒަކާތު ހައުސް" ގެ ވެބުސައއިޓް ލޯންޗުކޮށްފިއެވެ.
މި ވެބްސައިޓް ލޯންޗުކޮށްދެއްވާފައި ވަނީ އިސްލާމީ ކަންތައްތަކާއި ބެހޭ ވުޒާރާގައި މިއަދު ބޭއްވި ރަސްމިއްޔާތެއްގައި، އިސްލާމީ މަރުކަޒުގެ އިސް އިމާމު އައްޝައިޚް މުޙައްމަދު ލަތީފެވެ.
ރައީސުލްޖުމްހޫރިއްޔާއަށް ޤާނޫނު އަސާސީގެ 116 ވަނަ މާއްދާއިން ލިބިވަޑައިގަންނަވާ ބާރުގެ ދަށުން ދިވެހިރާއްޖޭގެ ޒަކާތު ހައުސް އުފައްދަވާފައިވަނީ 18 ޑިސެމްބަރ 2023 ގައެވެ.
މޯލްޑިވްސް ޒަކާތު ހައުސް އުފެއްދުމުގެ މަޤްސަދަކީ ޒަކާތުގެ ނިޒާމު ހަރުދަނާކޮށް، ޒަކާތުގެ މަންފާ އިތުރުކޮށް، ޒަކާތުގެ ހައްޤުވެރިންނަށް ޒަކާތުގެ ނަފާ ފުޅާ ދާއިރާއެއްގައި ލިބޭނެ ގޮތަށް ޒަކާތުގެ ނިޒާމާއި ފަންޑު އިތުރަށް ކުރިއެރުވުމެވެ.
މިއީ މިސަރުކާރުގެ ހަފުތާ 14ގައި ރައީސް ޑރ.މުހައްމަދު މުއިއްޒު ކުރައްވަން ނިންމަވާފައިވާ ކަމެކެވެ.
ޒަކާތުގެ ހައުސްގެ މަސައްކަތްތަކުގެ ތެރޭގައި ޒަކާތް ބަލައިގަތުމުގެ އިންތިޒާމުތައް ހަމަޖެއްސުމާއި، ޒަކާތް ހައްގުވާ ބެހެނިވެރިންނަށް ޒަކާތް ލިބޭނެ އިންތިޒާމުތައް ހަމަޖެއްސުމާއި، ކޮންމެ މަހަކު މުދަލު ޒަކާތުގެ ނިޞާބު އިއުލާނުކުރުމާއި، ކަމާއި ގުޅުންހުރި އިދާރާތަކާއި ގުޅިގެން ފަޤީރުންނާއި މިސްކީނުންގެ ދަފުތަރު އެކުލަވައިލުމާއި އަދާހަމަކުރުން ހިމެނޭނެއެވެ.
މި ސަރުކާރު އައުމަށް ފަހު ޒަކާތުގެ ގޮތުގައި ލިބޭ ފައިސާ ބަލައި ގަތުމާއި އަދި ޚަރަދު ކުރުމުގެ މަސައްކަތްތައްވެސް ހަރުދަނާ ގޮތެއްގައި ކުރެއްވުމަށް ވަނީ ވަރަށް ބޮޑު އިސްކަމެއް ދެއްވާފައެވެ.
Advertisement
This content is created and paid for by advertisers and does not involve Voice Journalists
