މިހާރުގެ ރައީސުލްޖުމުހޫރިއްޔާ ޑރ. މުހައްމަދު މުއިއްޒުގެ ސަރުކާރު ވެރިކަމާއި ހަވާލުވެ ވަޑައިގެންނެވި އިރު އިސްލާމިކު މިނިސްޓްރީގައި އެކަނި 27 މިލިއަން ރުފިޔާގެ ދަރަނި އޮތްކަމަށް އިސްލާމިކް މިނިސްޓަރ ޑރ. މުހައްމަދު ޝަޙީމް ޢަލީ ސައީދު ވިދާޅު ވެއްޖެއެވެ.
އެމަނިކުފާނު މިފަދައިން ވިދާޅުވެފައި ވަނީ މިސަރުކާރުން އަލަށް ފެށި މިނިސްޓަރުންގެ ޕަބުލިކް ފޯރަމް "އަހާ" ފެށުމުގެ ގޮތުން އެ މިނިސްޓްރީން ކުރައްވާ މަސައްކަތްތަކާއި ބެހޭ ގޮތުން ވާހަކަފުޅު ދައްކަވަމުންނެވެ
ޑރ. ޝަހީމް ވިދާޅުވީ މިސަރުކާރު ވެރިކަމަށް އައުމަށްފަހު މިހާރު 27 މިއަން ރުފިޔާ ދައްކާ ރާއްޖޭގައި ހުއްޓިފައިވާ މަޝްރޫޢުތަކުގެ ތެރެއިން ބައެއް މަޝްރޫޢުތައް ފެށި އަނެއްބައި މަޝްރޫޢުތައް ފެށުމަށް ތައްޔާރުވެފައިވާ ކަމަށެވެ.
"ރައީސް ޑރ.މުހައްމަދު މުއިއްޒުގެ ސަރުކާރު ވެރިކަމާއި ހަވާލުވި އިރު އިސްލާމިކް މިނިސްޓްރީ އެކަނި 27 މިލިޔަން ރުފިޔާގެ ދަރަނި އޮތް ، ރައީސްގެ ވެރިކަމުގެ ފުރަތަމަ ދެހަފްތާގެ ތެރޭގައި މި ދަރަނި ފިލުވާލުމަށްޓަކައި ވަނީ ފައިސާ ހަމަޖައްސަވައި ދެއްވާފަ، މިހާރު މިވަނީ އެދަރަނި އެއްކޮށް ފިލުވާލެވިފައި "
ޑރ.ޝަހީމް ޢަލީ ސަޢީދު
މީގެ އިތުރުންވެސް މިހާރު ކުރިއަށްދާ މިނިސްޓަރުންގެ ޕަބުލިކް ފޯރަމް ފެށުމުގެ ގޮތުން ދެއްވި ސްޓޭޓް މަންޓްގައި ޝަޙީމް އިތުރަށް ވިދާޅުވީ މި ސަރުކާރު ވެރިކަމަށް އައިރު އެއްވެސް ކަމެއް ނުކުރެވި ވީރާނާވަމުން ދިޔަ އިސްލާމީ މަރުކަޒުތައް މިހާރުވަނީ ޢިލްމީ މަރުކަޒުތަކަކަށް ބަދަލުކުރެވިފައި ކަމަށެވެ.
Advertisement
This content is created and paid for by advertisers and does not involve Voice Journalists
