ރ.އަތޮޅު ކިނޮޅަސްގައި މިހާރު ކުރިއަށްދާ "23 ވަނަ ޖަމިއްޔަތުލް އިއްތިހާދު ވޮލީބޯޅަ ޓޯނަމަންޓް 2024" ގެ ލީގުބުގެ ދެވަނަ ބޭރިއަންސް އާއި ތިންވަނަ ކޯކޯގެ މެދުގައި ކުޅެވުނު ޕްލޭއޮފް މެޗު ސީދާ ތިން ސެޓުން ކާމިޔާބުކޮށް މުބާރާތުގެ ފައިނަލުގެ ދެވަނަ ޖާގަ ބޭރިއަންސް އިން ހޯދައިފި އެވެ.

މިދެޓީމު ލީގު ބުރުގައި ކުޅުނު މެޗު ތިން ސެޓް އެއް ސެޓުން ބޭރިއަންސް އިން ކާމިޔާބުކުރިއިރު، ލީގު ބުރުގައި ކުޅުނު ތިން މެޗުގެ ތެރެއިިން ބޭރިއަންސް ބަލިވެފައި ވަނީ ހޭވައްލާ އަތުން އެކަންޏެވެ. އަދި ކޯކޯ އިން ލީގު ބުރުގައި ކުޅުނު ތިން މެޗުގެ ތެރެއިިން ދެމެޗުން ބަލިވިއިރު އެޓީމު މޮޅުވެފައި ވަނީ ރަށްގުޑުވާ އަތުން ނެވެ.

ކޯކޯ އާއި ބޭރިއަންސް ވާދަކުރި މެޗުގެ ތެރެއިިން.

މެޗުގެ ފުރަތަަމަ ސެޓުގެ ކުރީކޮޅު ދެޓީމުގެ ފަރާތުން ދާދި ހަމަހަމަ ކުޅުމެއް ފެނިގެންދިޔައިރު، ސެޓުގެ ފަހުކޮޅުގައި ބޭރިއަންސް އިން ވަނީ އެޓީމުގެ ކުޅުން ރަނގަޅުކޮށް 6 ޕޮއިންޓްގެ ލީޑެއް ނަގާފައެވެ. މިއާއެކު މި ސެޓް އެޓީމުން ކާމިޔާބުކުރީ 19-25 އިންނެވެ. އަދި މެޗުގެ ދެވަަނަ ސެޓުގައި ބޭރިއަންސް އިން ފަސް ޕޮއިންޓްގެ ލީޑެއް ނަގާފައި ވަނިކޮށް ކޯކޯ އިން ފަހަތުން އަރައި ފަސް ޕޮއިންޓް ހޯދިއެވެ. ނަމަވެސް މިސެޓު ވެސް ބޭރިއަންސް އިން ކާމިޔާބުކުރީ 19-25 އިންނެވެ.

ކޯކޯ އާއި ބޭރިއަންސް ވާދަކުރި މެޗުގެ ތެރެއިިން.

މެޗުގެ ތިންވަނަ ސެޓްގައި ދެޓީމުގެ ފަރާތުން ވަރަށް ވާދަވެރި ކުޅުމެއް ފެނިގެންދިޔަ މި ސެޓުގައި ކޯކޯ އިން ދެ ފަހަރެއްގެ މަތިން އެއްވަރު ވެސް ކުރިއެވެ. ނަމަވެސް ފަހުވަގުތު ބޭރިއަންސް އިން ސެޓު ކާމިޔާބުކުރީ 21-25 އިންނެވެ. އަދި މިމެޗުގެ މޭން އޮފް ދަ މެޗަކަށް ހޮވުނީ ބޭރިއަންސްގެ އިބްރާހިމް ފަޒީލު އެވެ.

މެޗުގެ މޮޅުކުޅުންތެރިއަކަށް ހޮވުނު ބޭރިއަންސްގެ އިބްރާހިމް ފަޒީލު.

26 ޖެނުއަރީ 2024 އިން 03 ފެބުރުއަރީ 2024 ގެ ނިޔަލަށް ކުރިޔަށް ގެންދިއުމަށް ހަމަޖެހިފައިވާ މިއަހަރުގެ މުބާރާތުގައި ހަތަރު ޓީމަކުން ބައިވެރިވެފައިވާއިރު، މުބާރާތް ކުރިއަށް ގެންގޮސްފައިވަނީ ލީގު އުސޫލުން ކޮންމެ ޓީމެއް ކޮންމެ ޓީމަކާ އެއްފަހަރު ކުޅެ އެންމެ ގިނަ ޕޮއިންޓް ހޯދާ ޓީމަކަށް މުބާރާތުގެ ފައިނަލުން ޖާގަ ލިބޭގޮތަށެވެ.

އެގޮތުން ލީގުބުގެ އެއްވަނަ ޓީމުގެ ގޮތުގައި ފައިނަލުގެ ފުރަތަަމަ ޖާގަ ހޯދީ ހޭވައްލާ އިންނެވެ. އަދި ހޭވައްލާ އާއި ބޭރިއަންސް ވާދަކުރާ ފައިނަލް މެޗު ކުޅުމަށް ހަމަޖެހިފައިވަނީ ފެބުރުއަރީ މަހުގެ 3 ވަނަ ދުވަހުގެ ރޭ އެވެ.