ރައިސުލްޖުމުޙޫރިއްޔާ ޑރ.މުހައްމަދު މުއިއްޒު ވެރިކަމާއި ހަވާލުވެ ވަޑައިގެންނެވިފަހުން ރާއްޖޭގެ ފަރާތުން ބާއްވާ ދެވަނަ "އިންވެސްޓް މޯލްޑިވްސް ފޯރަމް" ދުބާއީގެ ބުރުޖު އަލް އަރަބުގައި ބާއްވާގޮތައް ހަމަޖެހިއްޖެއެވެ.
"އިންވެސްޓް މޯލްޑިވްސް ފޯރަމް" އަކީ ރާއްޖޭގައި ހުރި އިންވެސްޓްމަންޓާއި، ވިޔަފާރީގެ ފުރުޞަތުތައް ބޭރުގެ އިންވެސްޓަރުންނާއި ހަމައަށް ގެންގޮސްދޭ އެންމެ މުހިންމު އެއް ޕްލެޓު ފޯމަށްވާއިރު މިފަހަރުގެ މި ފޯރަމުގައި ރާއްޖޭގެ އިންވެސްޓަރުން ހިމެނޭހެން މުޅި ޖުމުލަ 300 އިންވެސްޓަރުން ބައިވެރިވާނެކަމަށް ސަރުކާރުން ހާމަކުރައްވައެވެ.
ސަރުކާރާއި ހަވާލާދެއްވާ، ދައުލަތުގެ މީޑިއާ އިން ހާމަކޮށްފައިވާ ގޮތުގައި މި މަހުގެ 13 ވަނަ ދުވަހު ބޭއްވުމަށް ހަމަޖެހިފައިވާ މި ފޯރަމުގައި ޔޫއޭއީގެ ޝާހީ އާއިލާގެ ވިޔަފާރިތަކާއި ގުޅުންހުރި އިންވެސްޓަރުންނާއި ވިޔަފާރިވެރިންގެ އިތުރުން އަރަބި ބައެއް ޤައުމުގެ މުއްސަދި މަހުޖަނުންވެސް ބައިވެރިވެ ވަޑައި ގަންނަވާނެއެވެ.
މިސަރުކާރުގެ އެންމެ ފުރަތަމަ "އިންވެސްޓް މޯލްޑިވްސް ފޯރަމް " ބާއްވާފައިވަނީ އިޤްތިޞާދީ ގޮތުންނާއި އުފެއްދުންތެރިކަމުގެ ގޮތުން ދުނިޔޭގައި އެންމެ ހަލުވި ސްޕީޑުގައި ކުރިއަރަމުން އަންނަ އެއް ޤައުމު ކަމަށްވާ ޗައިނާގެ ފޫޖިއާން ޕްރޮވިންސްގައެވެ. އެ ފޯރަމް ވެގެން ގޮސްފައި ވަނީ ވަރަށް ކާމިޔާބު ފޯރަމެއްގެ ގޮތުގައެވެ. އެ ފޯރަމުގައި ރާއްޖޭގައި އިންވެސްޓުކުރުމަށް ޗައިނާގެ ވަރުގަދަ ބޮޑަތި އެތައް ކުންފުންޏަކުން ޝަޢުޤުވެރިކަން ފާޅުކޮށްފައި ވުމެވެ.
ދުބާއީގައި ބޭއްވުމަށް ހަމަޖެހިފައިވާ ދެވަނަ "އިންވެސްޓް މޯލްޑިވްސް ފޯރަމް" ގައި އިންވެސްޓަރުން ހޯދުމަށް ހުށައެޅުމަށް ނިންމަފައިވާ ބޮޑަތި ޕްރޮޖެކްޓްތަކުގެ ތެރޭގައި މާލޭ ވިޔަފާރި ބަނދަރު ތިލަފުއްޓަށް ބަދަލުކުރުމާއި، ރަސްމާލެ ތަރައްގީ ކުރުމުގެ މަޝްރޫޢު އާއި ، ކަނޑުއަޑީގެ ޓަނަލް ހެދުމާއި އަދި ވެލާނާ އިންޓަރނޭޝަނަލް އެއަރޕޯޓު ތަރައްޤީކުރުމުގެ މަޝްރޫޢު ފާހަގަ ކޮށްލެވެއެވެ.
ރައީސް ޑރ. މުހައްމަދު މުއިއްޒު ވިދާޅުވެފައިވާ ގޮތުގައި އެމަނިކުފާނުގެ އުންމީދަކީ ރާއްޖޭގެ ކުރިއެރުމަށް ހިންގޭ ތަރައްޤީގެ މަސައްކަތްތަކަކީ ދެމެހެއްޓެނިވި ގޮތަކަށް ކުރެވިގެންދާ މަސައްކަތްތަކަކަށް ހެއްދެވުމެވެ. ކޮންމެ މަސައްކަތެއްވެސް އެކަމަކަށް އެންމެ އެކަށޭނަ ރަނގަޅު މީހުންލައްވާ ތަރައްޤީގެ މަސައްކަތްތައް ކުރުވުމެވެ. އެގޮތުން ވޭތުވެދިޔަ ސަރުކާރުން އެއް ޤައުމަކަށް ބަރޯސާވެފައި އޮތް އޮތުމަށް އަމަނިކުފާނުގެ ވެރިމަކުގައި މިވީ ކުރު މުއްދަތުގެ ތެރޭގައި މިހާރު ވަނީ ނިމުން ގެންނަވާފައެވެ.
Advertisement
This content is created and paid for by advertisers and does not involve Voice Journalists
