ރާއްޖޭގެވެރިކަން ކުރާސީޓި މާލެއިން ބޮޑު ހަރުފައެއް ފެނިއްޖެއެވެ.

މައުލޫމާތު ލިބިފައިވާ ގޮތުގައި މިހަރުފަ ފެނިފައި ވަނީ ރާއްޖެއަށް ލަކުޑި އެތެރެކުރާ ޓިމްބާ ހައުސްގެ މާލޭ މާފަންނުގައި ހުންނަ ވަޑާންގެއަކުންނެވެ.

އެމްއެންޑީއެފުން ވެސް ވަނީ " ވޮއިސް" އަށް މިކަން ކަށަވަރު ކޮށްދެއްވާފައެވެ.

"ޓިމްބަރ ހައުސްގެ ލަނކުޑި ގުދަނަކުން ހަރުފައެއް ފެނުނުކަމުގެ މަޢުލޫމަތު ލިބިގެން އަޅުގަނޑުމެންގެ ފަޔަރ ފައިޓަރުން އެތަނަށް އެޓެންޑުވެ ، އޭތި ވަނީ އަޅުގަނޑުމެންގެ ބެލުމުގެ ދަށަށް ގެނެވިފަ، އަދި އެފަދަ އެއްޗިއްސާއި މެދު އަމަލުކުރަމުންދާ ގޮތަށް އަމަލްކުރެވެމުން ދާނެ" އެމްއެންޑީއެފްގެ މީޑިއާ އޮފިޝަރު ވިދާޅުވިއެވެ.

އެ ވަޑާންގޭގައި މަސައްކަތްކުރާ މީހަކު މީޑިއާއަށް މައުލޫމާތު ދީފައިވާ ގޮތުގައި ، އެ ހަރުފަ ފެނުނީ ވަޑާންގޭގައި ހުރި ފިލާތަކެއްގެ ތެރެއިންނެވެ . އެމީހާ އިތުރަށް ބުނެފައިވާ ގޮތުގައި އެއީ ބޮޑު ހަރުފައެއް ކަމަށާއި ހަރުފަ ފެނުމާއެކު ސިފައިންނަށް އެކަން ރިޕޯޓުކުރި ކަމަށެވެ.

މީގެ ކުރިންވެސް މަދުމަދުން ނަމަވެސް މާލޭގެ ބައެއް ލަކުނޑި ގުދަންތަކުން ހަރުފަ ފެނިފައި އެބަހުއްޓެވެ.