Advertisement
ބޯހިޔާވަހިކަން ފޯރުކޮށްދިނުމުގައި މައިންބަފައިން ބަލަހައްޓާ ފަރާތްތަކަށް އިސްކަންދޭނަށް: ރައީސް މުޢިއްޒު
ބޯހިޔާވަހިކަން ފޯރުކޮށްދިނުމުގައި ދޮށީއުމުރުގެ މީހުންނާއެކު ދިރިއުޅޭ ނުވަތަ މައިންބަފައިން ބަލަހައްޓާ ފަރާތްތަކަށް އިސްކަން ލިބޭނެ އުސޫލުތަކެއް ކަނޑައެޅިގެންދާނެ ކަމަށް ރައީސުލްޖުމްހޫރިއްޔާ ޑރ. މުހައްމަދު މުއިއްޒު މިއަދު ވިދާޅުވެއްޖެ އެވެ.
އެމަނިކުފާނު މިފަދައިން ވިދާޅުވެފައި ވަނީ މި ސަރުކާރުގެ ހަފްތާ 14ގެ ވައުދުތަކުގެ ދަށުން މާލޭގައި ގާއިމްކުރެއްވި އިސްރަށްވެހިންގެ ނާދީ ހުޅުވައިދެއްވުމަށް މިއަދު ބޭއްވި ރަސްމިއްޔާތުގައި ވާހަކަފުޅު ދައްކަވަމުންނެވެ.
ރައީސް ޑރ.މުހައްމަދު މުއިއްޒު ވިދާޅުވީ، ނަފްސާނީ އަދި އިޖުތިމާއީ ދުޅަހެޔޮކަން ކަށަވަރު ކުރުމަށް ހަރުދަނާ ބޯހިޔާވަހިކަމުގެ ސިޔާސަތެއްގެ ތެރެއިން ދެމެހެއްޓެނިވި ހައްލެއް ހޯއްދެވުމަށް މަސައްކަތް ކުރައްވަމުން ގެންދަވާ ކަމަށެވެ. އެގޮތުން ރާއްޖޭގެ އާބާދީގައި ތިބި ދޮށީ އުމުރު ، 65 އަހަރުން މަތީ މީހުންނަށް ރައްކާތެރިކަމާއެކު ހިތްހަމަޖެހިގެން އާއިލާއާއި އެކު އުޅުމަށް މަގުފަހިވާނެ ގޮތަށް ސަރުކާރުން އަލަށް ތައާރަފްކުރާ ބޯހިޔާވަހިކަމުގެ ސްކީމުތައް އެކަށައެޅުމަށް ސޯޝަލް ކައުންސިލުން މިހާރު ފާސްކޮށްފައިވާ ކަމަށެވެ.
"އެހެންވީމަ ކުރިއަށް އޮތްތަނުގައި މިކަމަށް ހާއްސަ ބިލެއް މަޖިލީހަށް ފޮނުވޭނެ. ހައުސިންގ ކެޓެގަރީތަކުގެ ފަންތިތަކާއި ގިންތިތައް ކަނޑައެޅުމާއި ގުޅޭ ބިލެއް، މި ބިލް ފަރުމާ ކުރެވިގެން ދާއިރު، ހަވާސާ ކުރެވިފައިވާ ހުރިހާ ފަރާތްތަކަށް ދޭން ޖެހޭ ސަމާލުކަމެއް ދިނުން، އިސްރަށްވެހިންނަށް މިހާރު އެންމެ ބޮޑަށް ދިމާވެފައިވާ އެންމެ ބޮޑު ދަތިކަމަކީ ގޭތެރޭގައި ކަންތައް، މާލޭގައިވެސް ރާއްޖޭގައިވެސް ހުރި ގޮތުން، ދަތިތައް އެބަހުރި ގެދޮރުގެ މައްސަލައިގައި، އެ ދޭން ޖެހޭ އިސްކަމެއް ނުދެވޭ،".
ރައީސުލްޖުމުހޫރިއްޔާ ޑރ.މުހައްމަދު މުއިއްޒު ވިދާޅުވިއެވެ.
މިއަދުގެ ރަސްމިއްޔާތުގައި ރައީސް ޑރ.މުހައްމަދު މުއިއްޒު އިތުރަށް ވިދާޅުވީ އެއްވެސް ފަރުދަކު ބާކީ ނުވާނެހެން ދައުލަތުން ފޯރުކޮށްދޭން ޖެހޭ ރައްކާތެރިކަމާއި ހިދުމަތްތައް ފޯރުކޮށް ދެވޭނެ ގޮތަށް ސަރުކާރުގެ ސިޔާސަތުތައް ބައްޓަންކޮށް ނިޒާމު ހަރުދަނާ ކުރަން ޖެހޭ ކަމަށެވެ. އެހެން ނަމަވެސް ރާއްޖޭގެ އާބާދީގައި ތިބި ދޮށީއުމުރުގެ މީހުންނާއި ނުކުޅެދުންތެރިކަން ހުންނަ މީހުންގެ ފުރިހަމަ މައުލޫމާތު މިހާތަނަށް އެއްކުރެވިފައި ނުވުމަކީ ރާއްޖޭގެ އާދާބީ ގައި ދައުލަތުގެ ހާއްސަ ސަމާލުކަމާއި އެހީތެރިކަން ލިބެން ޖެހޭ ބަޔަކު އެ އެހީތެރިކަމުން މަހުރޫމުވެގެން ދިއުމުގެ އިހުމާލު އޮތް ކަމެއް ކަމުގައެވެ.
އެމަނިކުފާނު ވިދާޅުވީ މިކަމަށް ރިއާޔަތްކޮށް ކެބިނެޓުން މިހާރު ނިންމާފައިވަނީ ރާއްޖޭގެ އާބާދީ ގައި ދައުލަތުގެ ރައްކާތެރިކަމުގެ ނިޒާމުގެ ތެރެއިން ހަވާސާވެފައި ތިބި ދޮށީއުމުރުގެ މީހުންނާއި ނުކުޅެދުންތެރިކަން ހުންނަ މީހުން ދެނެގަނެ އެ މީހުންގެ ގައުމީ ދަފްތަރެއް އެކުލަވާލުމަށް ގައުމީ ފެންވަރުގެ ސާވޭ އެއް ކުރިއަށް ގެންދިއުމަށް ނިންމާފައި ކަމަށެވެ.
"މި ސާވޭ ނިމި ދަފްތަރު އެކުލަވާލެވުމާ އެކު އެއް ވިއުގައިގެ ތެރެއިން ރާއްޖޭގެ އާބާދީގަ އި ތިބި ދޮށީއުމުރުގެ މީހުންނާއި ނުކުޅެދުންތެރިކަން ހުންނަ ފަރާތްތަކުގެ ހާލަތު ބެލޭނެ ނިޒާމު ގާއިމު ކުރެވިގެންދާނެ. އަދި ދައުލަތުގެ ހާއްސަ ސަމާލުކަން ބޭނުންވާ މީހުންގެ ތެރެއިން ހަވާސާވެފައި ތިބި މީހުން ދެނެގަނެވި ފުރަތަމަ މަރުހަލާގަ އި ދައުލަތުން އެ މީހުންނަށް ފޯރުކޮށް ދޭން ޖެހޭ އެހީތެރިކަމަކީ ކޮބައިތޯ ބަލައި އެ ހިދުމަތްތައް އެ ފަރާތްތަކަށް ފޯރުކޮށްދިނުމުގެ މަސައްކަތްތައް ފެށިގެން ދާނެ،"
ރައީސުލްޖުމުހޫރިއްޔާ ޑރ.މުހައްމަދު މުއިއްޒު ވިދާޅުވިއެވެ.
ރައީސުލްޖުމުހޫރިއްޔާ އިތުރަށް ވިދާޅުވީ އިސްރަށްވެހިންނާއި، ހަވާސާ ކުރެވިފައިވާ ފަރާތްތަކަށް ސަމާލުކަން ދިނުމުގައި ބުރަ މަސައްކަތެއް އިޖުތިމާއީ އަދި އާއިލީ ތަރައްގީއާ ބެހޭ ވުޒާރާއިން މެންޑޭޓްގައިވެސް ހިމެނި އެކަންތައްތައް ވެސް ފުރިހަމަ ކުރެވިގެންދާނެ ކަމަށެވެ.
Advertisement
Advertisement
Advertisement
This content is created and paid for by advertisers and does not involve Voice Journalists
