ޅ.ނައިފަރު ވެމްކޯ ސައިޓްގައި ރޭގައިވެސް އަލިފާނުގެ ހާދިސާއެއް ހިނގައިފި އެވެ. 

އެމްއެންޑީއެފްއިން ބުނެފައިވާގޮތުން ނައިފަރު ވެމްކޯ ސައިޓްގައި ރޯވިކަމުގެ މަޢުލޫމާތު އެ އިދާރާއަށް ލިބުނީ ރޭ ދަންވަރު 01:20 ހާއިރު އެވެ.

އަދި މަޢުލޫމާތު ލިބުމާއިއެކު އެމްއެންޑީއެފް ނޮދަން އޭރިއާ ކޮމާންޑްގެ ޅ.ނައިފަރު ފަޔަރ ސްޓޭޝަންގެ ފަޔަރފައިޓަރުން އެ ސަރަހައްދަށް ގޮސް، އަލިފާން ނިވުމުގެ މަސައްކަތް ކޮށްފައިވާ ކަމަށް އެ އިދާރާއިން ބުނެފައިވެއެވެ.

މިގޮތުން ޅ.ނައިފަރު ފަޔަރ ސްޓޭޝަނުގެ ފަޔަރފައިޓަރުން ކުރި މަސައްކަތުން އަލިފާންގަނޑު ކޮންޓްރޯލް ކުރެވިފައިވަނީ ރޭ ފަތިހު 04:40 ހާއިރު ކަމަށްވެސް ބުނެފައިވެއެވެ. 

މީގެ އިތުރުން އެމްއެންޑީއެފްއިން ބުނީ، މި ހާދިސާގައި އެެއްވެސް މީހަކަށް އަނިޔާއެއް ލިބިނުކަމުގެ މަޢުލޫމާތު ލިބިފައި ނުވާ ކަމަށެވެ. 

މިމަހު ނުވަ ވަނަ ދުވަހުވެސް ނައިފަރު ވެމްކޯ ސައިޓުގައި އަލިފާނުގެ ހާދިސާއެއް ހިނގާފައިވެއެވެ. ނަމަވެސް، މި އަލިފާނުގެ ހާދިސާތައް ހިނގަން މެދުވެރިވި ސަބަބު ސާފެއް ނުވެއެވެ.