ގދ. ތިނަދޫ ސިޓީގައި އެޅުމަށް ހަމަޖެހިފައިވާ އިންޓަނޭޝަނަލް އެއާރޕޯޓްގެ މަސައްކަތް ކުރިއަށް އޮތް ދެ އަހަރުދުވަހުގެ ތެރޭގައި ނިންމާނެކަމަށް ރައީސުލްޖުމުހޫރިއްޔާ ޑރ، މުހައްމަދު މުއިއްޒު ވިދާޅުވެއްޖެއެވެ.

އެމަނިކުފާނު މިފަދައިން ވިދާޅުވެފައިވަނީ މިހާރު ދެކުނުގެ 4 އަތޮޅަށް ކުރައްވަމުންގެންދަވާ ދަތުރުފުޅުގައި މިއަދު ގދ.އަތޮޅު ތިނަދޫ ސިޓީއަށް ވަޑައިގެން މިރޭ ތިނަދޫގެ ރައްޔިތުންނާއި ވާހަކަފުޅު ދައްކަވަމުންނެވެ.

މިރޭގެ މި ހާއްސަ ޖަލްސާގައި ތިނަދޫ ސިޓީގައި އިންޓަރނޭޝަނަލް އެއާރޕޯރޓެއް އެޅުމަށް ކުރެވުނު އެއްބަސްވުމާއި ގުޅޭގޮތުން އެމަނިކުފާނު ވިދާޅުވީ އެއާއރޕޯޓްވެގެންދާނީ މުޅި ދުނިޔޭގައިވެސް އެޅިގެންދާނެ އެންމެ ރީތިއެއް އެއާރޕޯޓުކަމުގައެވެ.

Advertisement

" އެއާޕޯޓްވެގެން ދާނީ ، ދެންމެ މިނިސްޓަރ މުއްޠަލިބު ވިދާޅުވި ފަދައިން މުޅި ދުނިޔޭގައިވެސް އޭގެ ރީތިކަން ފާހަގަކުރެވޭ ، ވަރަށް ލޭންޑުމާކު ޑިޒައިނެއް އޭގައި ހިމެނޭ ،އެ އެއާރޕޯޓްގެ ޓާމިނަލަކީ ފެނުގެ މަތިގައި ޤައިމުކުރެވޭ އޯވަރ ވޯޓާރ ތާމިނަލެއް ޤާއިމްކުރުމަށް ޑެވެލޮޕާހުށަހަޅާފައި އެވަނީ" ރައީސުލްޖުމުހޫރިއްޔާ ވިދާޅުވިއެވެ.

ރައީސުލްޖުމުހޫރިއްޔާ ވިދާޅުވީ އެއާރޕޯޓްގެ އަމަލީ މަސައްކަތް ފެށުމުގެ ކަންތައްތައް މަދުހަފްތާއެއްގެ ތެރޭގައި ނިންމާ އުންމީދަކީ އަދި ޓާގެޓަކީ ގިނަވެގެން 2 އަހަރުތެރޭ މުޅި އެއާރޕޯޓުގެ މަޝްޜޫޢު އެއްކޮށް ނިންމާލުން ކަމަށެވެ.

މި އެއާޕޯޓް ނިމިގެން ދާއިރު  މި މަޝްރޫއާއެކު ވަރަށް ގިނަ އެނދުތަކާއި ރިސޯޓްތަކެއް އަންނާނެ ކަމަށާއި، އެގޮތުން މި ކޮންޓްރެކްޓަރ އެކަނި 12 ރިސޯޓެއް ތަރައްގީ ކުރަން ހުށަހަޅާފައިވާ ކަމަށްވެސް ރައީސް ފާހަގަކުރެރއްވިއެވެ. އެއާއި އެކު ގިނަ އަދަދެއްގެ ވަޒީފާވެސް އުފެދިގެން ދާނެކަމަށް ރައީސް ޑރ. މުއިއްޒު ފާހަގަ ކުރެއްވިއެވެ.