ރައީސުލްޖުމުހޫރިއްޔާ ޑރ.މުހައްމަދު މުއިއްޒުގެ ވެރިކަމުގެ ފުރަތަމ 100 ދުވަހު (ހަފްތާ 14) ގައި ނިންމުމަށް ކަނޑައަޅާފައިވާ 161 ވައުދުގެ ތެރެއިން މިހާތަނަށް 150 ވައުދެއްގެ 100 އިންސައްތަ ފުއްދައި ދެވިއްޖެކަމަށް ރައީސުލްޖުމުހޫރިއްޔާ ޑރ.މުހައްމަދު މުއިއްޒު ވިދާޅުވެއްޖެއެވެ.

ރައިސުލްޖުމުހޫރިއްޔާ މިފަދައިން ވިދާޅުވެފައިވަނީ ރައީސް އޮފީހުން އިސްނަގައިގެން ކުރިއަށް ގެންދާ " އަހާ" ސިލްސިލާ ޕްރޮގްރާމްގެ ދަށުން ރޭ ބޭއްވުނު ޕްރޮގްރާމުގައި އާއްމުންގެ މީހަކު ކުރި ސުވާލަކަށް ޖަވާބު ދެއްވަމުންނެވެ.

ރައީސް ޑރ.މުހައްމަދު މުއިއްޒު ވިދާޅުވީ މިހާރު ކުރިޔަށްދަނީ ބާކީ އޮތް 11 ވައުދުގެ މަސައްކަތް ކަމަށާއި، އަދި އެމަސައްކަތުގެ 80 އިންސައްތަ މިހާރު ނިމިފައިވާ ކަމަށެވެ.

އެމަނިކުފާނު އިތުރަށް ފާހަގަކުރެއްވިގޮތުގައި ހަފްތާ 14 ގައި ކުރުމަށް ކަނޑައެޅި ހުރިހާ ކަމެއްވެސް ކުރިއަށް ގެންދެވެނީ ވަރަށް ރޭވުންތެރިކަމާއި އެކުގައި ކަމަށެވެ.

އާއްމުންގެ ވަރަށް ގިނަ ބަޔަކު ބައިވެރިވެ، އާއްމުންގެ ގިނަ ސުވާލުތަކަކަށް ރޭގެ މި ޕްރޮގްރާމުގައި ރައީސް ޑރ.މުހައްމަދު މުއިއްޒު ޖަވާބު ދެއްވާފައިވާއިރު އެމަނިކުފާނު ވިދާޅުވީ މި ސަރުކާރު ވެރިކަމާއި ހަވާލުވެ ވަޑައިގެންނެވި އިރު ޤައުމު ދަރާފައިވާ ދަރަނިތައް ދައްކަމުން އިޤްތިޞަދު ހަމައަކަށ2ް އަޅުވަމުން މިހާތަނަށް  ކުރެވިފައިވާ މަސައްކަތްތަކަކީވެސް ވރަށް ގިނަ މަސައްކަތްތަކެއް ކަމަށެވެ.

ރައީސް އިތުރަށް ވިދާޅުވި ގޮތުގައި މި ސަރުކާރުގެ ސިޔާސަތުތައް ތަންފީޒުކުރުމުގައި މިވަގުތު އޮތް ރައްޔިތުންގެ މަޖިލހުގެ އެއްބާރުލުން ލިބެމުން ނުދާކަމަށާއި ، އެކަމުގެ ސަބަބުންވެސް މި ސަރުކާރުން ރައްޔިތުންނަށް ކޮށްދެންޖެހޭ މަސައްކަތް ކޮށްދިނުމުގައި ގޮންޖެހުންތަކާއި ކުރިމަތިލާން ޖެހޭ ކަމަށެވެ.