ގާނޫނު އަސާސީ އިސްލާހުކޮށްގެން ވިޔަސް، ރައީސުލްޖުމްހޫރިއްޔާ ޑޮކްޓަރ މުހައްމަދު މުޢިއްޒުގެ މި ވެރިކަން އިތުރު ދައުރަކަށް ދަންމާލަންޖެހޭ ކަމަށް ޕީޕީއެމް/ޕީއެންސީގެ ހަރަކާތު ކޮމިޓީގެ ޗެއާރ މުހައްމަދު އިސްމާއިލް ވިދާޅުވެއްޖެއެވެ. 

މުހައްމަދު އިސްމާއިލް މިހެން ވިދާޅުވެފައި ވަނީ، އޭނާ މިރޭ އެކްސްގައި ކުރެއްވި ޕޯސްޓެއްގައެވެ.

އެ ޕޯސްޓުގައި އޭނާ ވަނީ ދިވެހި ގައުމުގެ ވިންދާއި، ދިވެހި ރައްޔިތުންގެ ވިންދާއި އިހްސާސްތައް ދަންނަ ވެރިންނަށް ފުރުސަތު ދީގެން ނޫންގޮތަށް ގައުމުގެ މިސްރާބު ސީދާ ނުކުރެވޭނެ ކަމަށް ވިދާޅުވެފައެވެ. 

Advertisement

އެ ސަބަބަށް ޓަކައި ރައީސް މުޢިއްޒަށް އިތުރު ދައުރެއް ދޭންޖެހޭ ކަމަށް އޭނާ ވަނީ ވިދާޅުވެފަ އެވެ. 

ގާނޫނު އަސާސީ ބަދަލު ކޮށްގެން ވެރިކަން ދަންމާލަންޖެހޭ ކަމަށް މުހައްމަދު އިސްމާއިލް ވިދާޅުވެފައި ވާއިރު އޭނާ އަކީ، ކުރިއަށް އޮތް 20 ވަނަ ރައްޔިތުންގެ މަޖިލީހުގެ އިންތިޚާބުގައި ރައީސުލްޖުމްހޫރިއްޔާ ޑރ މުހައްމަދު މުޢިއްޒުގެ މި ސަރުކާރުގެ ވެރިކަން ކުރާ މައި ޕާޓީ، ޕީއެންސީގެ ޓިކެޓްގައި ވިލިމާލޭ ދާއިރާއަށް ވާދަކުރައްވާ ކެންޑިޑޭޓެވެ. 

އަދި އޭނާ އަކީ ރައީސް މުޢިއްޒުގެ މި ވެރިކަން ގެނައުމަށް ބުރަ މަސައްކަތް ކުރެއްވި ބޭފުޅެއްކަން ފާހަގަކޮށްލަން ޖެހެއެވެ.