ކޮމިޝަނަރ އޮފް ޕޮލިސްގެ މަގާމުގައި މުހައްމަދު ހަމީދު ހުންނެވި އިރު އޭނާ ވަނީ ފުޅުހުންގެ މުޅި މުވައްސަސާގެ އަގުވައްޓާލައިި، އިންޓެލްޖެންސް މައުލޫމާތް ހިތުހުރިގޮތަކަށް ބޭނުން މީހުންނަށް ބަހާލާފައި ކަމަށް ޕީޕީއެމް/ ޕީއެންސީގެ ހަތަކާތު ކޮމިޓީގެ ޗެެއަރ މުހައްމަދު އިސްމައިލް ތުހުމަތު ކުރައްވައިފިއެވެ. 

މުހައްމަދު އިސްމާއީލް މިހެން ވިދާޅުވީ ސިފައިންގެ އަސްކަރިއްޔާއަށް އިތުރު ކުރި އަންމޭންޑް އޭރިއަލް ވެހިކަލް (ޔޫއޭވީ) އާއެކު އިންޓެލިޖެންސް މައުލޫމާތު ދޭ ނިޒާމު ހަރުދަނާ ކުރަން ޖެހޭ ކަމަށް ހަމީދު ވިދާޅުވުމާއި ގުޅިގެން އެކްސްގަައި ކުރެއްވި ޕޯސްޓެއްގައެވެ. 

ސިފައިންގެ ވައުގެ ބާރު އުފެއްދުމާއި ގުޅިގެން އެކްސް" ގައި ކުރެއްވި ޕޯސްޓެއްގައި ހަމީދު ވިދާޅުވީ، ދިވެހި އަސްކަރިއްޔާގެ ގާބިލުކަން އިތުރު ކުރުމަށް ގެނައި ޔޫއޭވީތަކާއެކު ގައުމީ ސަލާމަތަށް ލިބުނު ރައްކާތެރި ކަމަށްޓަކައި އެކަމަށް މަރުހަބާ ކިޔާ ކަމަށެވެ.

އަދި ޔޫއޭވީގެ ގާބިލުކަން ފުރިހަމައަށް ހިފަން ޖެހޭކަން ފާހަގަކުރައްވާ ހަމީދު ވިދާޅުވީ، ގުޅިގެން މަސައްކަތްކޮށް ގައުމީ ސަލާމަތް އިތުރަށް ވަރުގަދަ ކުރެވޭނެ ކަމަށެވެ. 

ކަނޑާއި ވައިގެ ސަރަހައްދު ބަލަހައްޓަން އެމްއެންޑީއެފްއަށް ގެނައި ޔޫއޭވީތައް ހުކުރު ދުވަހުގެ ރޭ ދައްކާލިއިރު، މި އުޅަނދުތައް އޮޕަރޭޓުކުރާނީ އެމްއެންޑީއެފް އެއާ ކޯ އިންނެ އެވެ. އެކަމަށްޓަކައި އެ ސިފައިން ވަނީ ތުރުކިޔޭ އިން ޚާއްސަ ތަމްރީނެއް ހަދާފައެވެ.