މާލެ ދެ މިސްކިތެއްގެ އަންހެނުން ވުޟޫ ކުރާ ބަޔަށް ބަޔަކު ގެއްލުންދީފިއެވެ. 

މިކަން ހާމަކޮށް މާލެސިޓި ކައުންސިލުން މީސްމީޑިއާގައި ކުރި ޕޯސްޓެއްގައި ބުނީ، ގެއްލުން ދީފައިވަނީ ބަންޑާރަ މިސްކިތުގެ އަންހެނުންގެ ފާހާަނާގެ ތަށި އަދި ވިޔަފާރިވެރިންގެ މިސްކިތުގެ އަންހެނުން ވުޟޫކުރާ ބައިގެ ފެން އިސްކުރުތަކަށް ކަމަށެވެ.

އަދި ހަލާކުކޮށްލާފަ ފާހަނާތަށި އަދި އިސްކުރު މަރާމާތުކުރުން މިރޭ ކުރިއަށް ގެންދެވޭނެ ކަމަށްވެސް އެ ކައުންސިލުން ބުނެފައިވެއެވެ.

Advertisement

މިކަމާއި ގުޅިގެން މާލޭ މޭޔަރ އާދަމް ޢާޒިމް އެކްސްގައި ކުރެއްވި ޕޯސްޓެއްގައި ވަނީ އެއީ ވަރަށް ނާތަހުޒީބު ޢަމަލެއްގެ ގޮތުގައި ސިފަ ކުރައްވާފައެވެ. 

އަދި އެފަފަ ނާތަހުޒީބު އަމަލްތަށް ހުއްޑުވުމަށް އެންމެންގެ އެހީތެރިކަން ބޭނުންވާ ކަމަށް ވިދާޅުވެ ޢާޒިމް ވަނީ އެފަދަ ގޯސް އަމަލްތައް ނުކުރާަބަޔަކު ކަމުގާ އަހަރެމެން ލެއްވުން އެދި ދުޢާ ކުރައްވާ ފައެވެ.

މި ފަދައިން ކަން ކުރީ ކޮން ބައެއް ކޮން މަގުސަދެއްގައި ކަން މާލެ ސިޓީ ކައުންސިލުން އަދި ހާމަކޮށްފައެއް ނުވެއެވެ.