ދިވެހިރާއްޖޭގައި ޢީދު ނަމާދުގެ ޖަމާޢަތް ފަށާ ވަގުތު ހެނދުނު 07:00 އަށް އަވަސްކޮށްފިއެވެ.
އިސްލާމީ ކަންތައްތަކާބެހޭ ވުޒާރާއިން މިއަދު ނެރުނު ނޫސްބަޔާނެއްގައި ބުނެފައިވަނީ، އީދު ނަމާދު ޖަމާޢަތުގައި މިހާރު ކުރަމުންދާ ވަގުތަކީ އިރުގެ ހޫނުކަން ގަަދަވަމުން އަންނަ ވަގުތަކަށް ވުމުގެ ސަބަބުން އެކަމުގެ ތަކުލީފުތައް އުފުލަންޖެހޭތީ އެކަމަށް ޙައްލެއް ގެނައުމުގެ ގޮތުން ކަމަށެވެ. އީދު ނަމާދުގެ ޖަމާޢަތުގައި އަންހެނުންނާއި، ކުޑަކުދިންނާއި އުމުރުން ދުވަސްވީ މީހުންނާއި އަދި ޚާއްސަ އެހީއަށް ބޭނުންވާ މީހުންވެސް މިފަދަ ބޮޑު ޖަމާޢަތެއްގައި ބައިވެރިވާތީ ގެނައި ބަދަލެއްކަމަށް އެ ނޫސްބަޔާނުގައި ވަނީ ބުނެފައެވެ.
އަދި މިއީ ކީރިތި ރަސޫލާ ޞައްލަﷲ ޢަލައިހި ވަސައްލަމަގެ ސުންނަތުުން ސާބިތުވާގޮތުން ވެސް އެކަލޭގެފާނު ޢީދު ނަމާދު ކުރައްވާފައިވަނީ އިރުގެ ހޫނުކަން ގަދަވުމުގެ ކުރިން ޟުހާ ވަގުތުގައިކަމަށް ފެންނަން އެބައޮތްތަކަމަށްވެސް އެ ނޫސްބަޔާނުގައި ބަޔާންކޮށްފައިވެއެވެ. އެކަލޭގެފާނާއި އެކަލޭގެފާނުގެ އަޞްހާބުބޭކަލުންގެ ޢަމަލުފުޅުގައިވާ ގޮތަށް ތަބަޢަވުމަކީ މޮޅު އިތުރުގޮތްކަމަށް ވާތީ، ދިވެހިރާއްޖޭގެ ފިތުރު ޢީދު ނަމާދު ޖަމާޢަތުގައި ކުރާ ވަގުތު އަވަސްކޮށްފައިވާ ކަމަށްވެސް އެބަޔާނުގައި ވެއެވެ.
ދިވެހިރާއްޖޭގައި ފިތުރު ޢީދު ނަމާދު މީގެ ކުރިން ފަށާފައިވަނީ ހެނދުނު 07:30 ގައެވެ.
Advertisement
This content is created and paid for by advertisers and does not involve Voice Journalists
