ރައީސުލްޖުމްހޫރިއްޔާ ޑޮކްޓަރ މުޙައްމަދު މުޢިއްޒާއި އެމަނިކުފާނުގެ އަނބިކަނބަލުން ސާޖިދާ މުޙައްމަދު، ރޭ ސިންގަޕޫރަށް ފުރާވަޑައިގެންފިއެވެ.
ރައީސް އޮފީހުން ބުނެފައިވާ ގޮތުގައި މިއީ ނުރަސްމީ ދަތުރުފުޅެކެވެ. ނަމަވެސް އިތުރު ތަފްސީލް ނުދެއްވައެވެ. މިއީ ވެރިކަމަށް ވަޑައިގެންނެވި ފަހު، ރައީސް މުޢިއްޒު ރާއްޖެއިން ކުރެއްވި ފުރަތަމަ ނުރަސްމީ ދަތުރުފުޅެވެ.
ރައީސުލްޖުމްހޫރިއްޔާ ވެރިކަމަށް ވަޑައިގެންނެވުމަށްފަހު އެންމެ ފުރަތަމަ ކުރެއްވި ރަސްމީ ދަތުރުފުޅު ކުރެއްވީ ތުރުކިޔޭ އަށެވެ. އެފަހުން ޗައިނާއަށް ފުރަމާނަ ދަތުރުފުޅެއް ކުރައްވާފައިވާއިރު، އެދަތުރުފުޅުގެ ތެރެއިން ރާއްޖޭގެ ތަރައްގީއަށް މުހިންމު އެއްބަސްވުން ތަކެއްގައި ވަނީ ސޮއި ކުރެވިފައެވެ.
ރައީސުލްޖުމްހޫރިއްޔާ އެންމެ ފަހުން ނުރަސްމީ ދަތުރުފުޅެއް ކުރެއްވީ ޔޫއޭއީ އަށެވެ. ފެބްރުއަރީ މަހުގައި ކުރެއްވި އެ ދަތުރުފުޅަކީ ވޯލްޑް ގަވަރމަނަޓް ސަމިޓްގައި ބައިވެރިވެވަޑައިގެންނެވުމަށް ކުރެއްވި ދަތުރުފުޅެކެވެ.
Advertisement
This content is created and paid for by advertisers and does not involve Voice Journalists
