ސިއްހީ މައްސަލައަކާ ގުޅިގެން އިސްލާމީ ކަންތައްތަކާބެހޭ ވަޒީރު، ޑރ. މުހައްމަދު ޝަހީމް އަލީ ސައީދު މިރެއިން ފެށިގެން އިމާމުވެ ތަރާވީހު ކުރުން މެދުކަނޑާލައްވައިފިއެވެ.
މިކަމާ ގުޅޭގޮތުން މިނިސްޓަރ ޝަހީމް ފޭސްބުކުގެ ޕޯސްޓެއްގައި ހިއްސާކޮށްފައިވާ މެސެޖުގައިވަނީ، ސާޖަރީއަކަށް ދާތީ ތަރާވީހު ނަމާދު ކުރުން މެދުކަނޑާލާފައިވާ ކަމަށެވެ.
ގިނައިރު ކޮޅަށް ހުރުމަށް ދަތިވެ ޞިއްހީ ސަބަބެއް މެދުވެރިވެގެން، ޑޮކްޓަރުންގެ ލަފާގެމަތިން މިރެއިން ފެށިގެން އިމާމުވެ ތަރާވީސް ކުރުން މެދުކަނޑާލި ވާހަކަ ދަންނަވަން.
މިނިސްޓަރ ޝަހީމް ހިއްސާކޮށްފައިވާ މެސެޖުގައި ވިދާޅުވެފައިވެއެވެ.
މިނިސްޓަރ ޝަހީމްވަނީ ލޮބުވެތި އެންމެހާ އަޚުންނާއި އުޚްތުންގެ ހެޔޮ ދުޢާއަށް އެދިވަޑައިގަނެފައެވެ. އިމާމުކަމަކީ ކުައިރުންސުރެން ނުހަނު ލޯތްބާއު ޝައުގުވެރިކަންމަތީ ކުރެއްވި ކަމެއް ކަމަށާއި، މި ސިއްޙީ ފަރުވާ ފުރިހަމަވުމުން އަލުން އެނބުރި އިމާމުކަމަށް އައުމަށް އުއްމީދުކުރާކަމަށްވެސް ޝަހީމް ވަނީ ވިދާޅުވެފައެވެ.
މިނިސްޓަރ ޝަހީމް އިމާމުވެ ތަރާވީހް ނަމާދު ކުރައްވަމުން ގެންދެވީ ހުޅުމާލޭ ރަޝީދު މިސްކިތުގަ އެވެ.
Advertisement
This content is created and paid for by advertisers and does not involve Voice Journalists
