ސިއްހީ މައްސަލައަކާ ގުޅިގެން އިސްލާމީ ކަންތައްތަކާބެހޭ ވަޒީރު، ޑރ. މުހައްމަދު ޝަހީމް އަލީ ސައީދު މިރެއިން ފެށިގެން އިމާމުވެ ތަރާވީހު ކުރުން މެދުކަނޑާލައްވައިފިއެވެ.

މިކަމާ ގުޅޭގޮތުން މިނިސްޓަރ ޝަހީމް ފޭސްބުކުގެ ޕޯސްޓެއްގައި ހިއްސާކޮށްފައިވާ މެސެޖުގައިވަނީ، ސާޖަރީއަކަށް ދާތީ ތަރާވީހު ނަމާދު ކުރުން މެދުކަނޑާލާފައިވާ ކަމަށެވެ. 

މިނިސްޓަރ ޝަހީމްވަނީ ލޮބުވެތި އެންމެހާ އަޚުންނާއި އުޚްތުންގެ ހެޔޮ ދުޢާއަށް އެދިވަޑައިގަނެފައެވެ. އިމާމުކަމަކީ ކުައިރުންސުރެން ނުހަނު ލޯތްބާއު ޝައުގުވެރިކަންމަތީ ކުރެއްވި ކަމެއް ކަމަށާއި، މި ސިއްޙީ ފަރުވާ ފުރިހަމަވުމުން އަލުން އެނބުރި އިމާމުކަމަށް އައުމަށް އުއްމީދުކުރާކަމަށްވެސް ޝަހީމް ވަނީ ވިދާޅުވެފައެވެ.

މިނިސްޓަރ ޝަހީމް އިމާމުވެ ތަރާވީހް ނަމާދު ކުރައްވަމުން ގެންދެވީ ހުޅުމާލޭ ރަޝީދު މިސްކިތުގަ އެވެ.