ރަމަޟާންމަހު ފަހު ދިހައިގައި މޯލްޑިވްސް ކަސްޓަމްސް ސާވިސްގެ ހިދުމަތްދިނުމަށް ހަމަޖެހިފައިވާ ގަޑިތައް އާއްމުކޮށްފިއެވެ.

އެގޮތުން، ކަސްޓްމްސް އިން އެކްސްގައި މިއަދު ކުރި ޕޯސްޓުގައި އާއްމުކޮށްފއިވާ ގަޑިތަކަކީ:

- ކަސްޓަމްސް ހެޑް އޮފީސް: ހުކުރު އަދި ހޮނިހިރު ފިޔަވައި ކޮންމެ ދުވަހެއްގެ ހެނދުނު 09:00 އިން މެންދުރު 12:00 އަށް

Advertisement

- ހއ.އުލިގަން، ހދ.ހަނިމާދޫ، ލ.ގަން، ގއ.ވިލިނގިލި ކަސްޓަމްސް: ހުކުރު އަދި ހޮނިހިރު ފިޔަވައި ކޮންމެ ދުވަހެއްގެ ހެނދުނު 09:00 އިން މެންދުރު 12:00 އަށް

- ޕޯސްޓު ބިލްޑިން: ހުކުރު އަދި ހޮނިހިރު ފިޔަވައި ކޮންމެ ދުވަހެއްގެ ހެނދުނު 10:00 އިން މެންދުރު 13:30 އަށް

މީގެ އިތުރުން ކަސްޓަމްސް ސަޕޯޓް ސެންޓަރ، ސީ ކާގޯ ޑޮކިއުމެންޓޭޝަން، ސީ ކާގޯ އެގްޒޭމިނޭޝަން، ހާބޯ މެނޭޖްމަންޓް، ހުޅުމާލޭ ސީ ކާގޯ އެގްޒޭމިނޭޝަން، ބަޖެޓް އެންޑް ރެވެނިޔު ކޭޝް ކައުންޓަރުން ޚިދުމަތް ދިނުމަށް ހަމަޖެހިފައިވަނީ ހުކުރު ފިޔަވައި ކޮންމެ ދުވަހެއްގެ ހެނދުނު 09:00 އިން ހަވީރު 16:00 އަދި ރޭގަނޑު 21:00 އިން މެންދަމު 01:30 ގެ ނިޔަލަށެވެ.

އަދި އެއާ ކާގޯ ޑޯކިއުމެންޓޭޝަންގެ ޚިދުމަތް ކޮންމެ ދުވަހެއްގެ ހެނދުނު 06:30 އިން މެންދަމު 02:00 އަށް، އަދި އެއާ ކާގޯ އެގްޒޭމިނޭޝަންގެ ޚިދުމަތް ކޮންމެ ދުވަހެއްގެ ހެނދުނު 06:00 އިން މެންދަމު 02:00 އަށް ލިބޭނެކަމަށް ކަސްޓަމްސްއިން މައުލޫމާތުދެއެވެ.