ރައީސް ޑރ. މުޙައްމަދު މުޢިއްޒަކީ މޮޅު ކައްޕިތާނެއް ކަމަށާއި ދިވެހީންގެރާއްޖެ އޭގެ ހަޤީޤީ މާނާގައި އެމަނިކުފާނު ހޯއްދަވައި ދެއްވާނެކަމަށް މާލޭ ސިޓީ ކައުންސިލްގެ ޑެޕިއުޓީ މޭޔަރު އަޙުމަދު ނަރީޝް ވިދާޅުވެއްޖެއެވެ.
ނަރީޝް މިއަދު އެކްސްގައި ކުރެއްވި ޕޯސްޓެއްގައި ވިދާޅުވީ، ނިމިދިޔަ ރިޔާސީ އިންތިޚާބަށް ޕްރޮގްރެސިވް ކޯލިޝަންގެ އެންމެ މަތިން އެންމެ ތިރިއަށް އިއްތިފާގުވެ ނެރުނު ކެންޑިޑޭޓަކި ރައީސް މުޢިއްޒު ކަމަށެވެ.
ރައްޔިތުން ވޯޓު އަޅާ އެ ރައްޔިތުންގެ ވަލިއްޔުލްއަމްރަކަށް އިޙްތިޔާރުކުރީ ރައީސް މުއިއްޒު! އެއީ ޕީޕީއެމް އަދި ޕީއެންސީގެ މެމްބަރުން އެދެޕާޓީގެ ވެރިކަމެއް މިގައުމުގައި ބާއްވަން ބޭނުންވެގެން ގެނައި ވެރިކަމެއް! މިވެރިކަން ދަމަހައްޓާ ނަގަހައްޓާނީވެސް މި ދެޕާޓީގެ މެމްބަރުން!
އަޙުމަދު ނަރީޝް އެކްސްގައި ވިދާޅުވިއެވެ.
ނަރީޝް ވިދާޅުވީ، ރައީސް މުއިއްޒު ރައްޔިތުންނަށް ވެވަޑައިގެންނެވި ހުރިހާ ވައުދެއްވެސް އެމަނިކުފާނު ފުއްދަވާނީ ރަނުން ރަނަށް ކަމަށާއި އެފުރުސަތު ރައްޔިތުން ދޭނެކަމަށެވެ. އަދި ރައްޔިތުން އެފުރުސަތު އެމަނިކުފާނަށް ދެއްވާނީ ރައްޔިތުންގެ މަޖިލީހުގެ މެޖޯރިޓީ ސަރުކާރަށް ހޯދައިދީގެން ކަމަށްވެސް ނަރީޝް ވިދާޅުވިއެވެ.
މީގެ އިތުރުން ޕީޕީއެމް ޕީއެންސީގެ އާއްމު މެންބަރުން މަގުމަތިވާން ނޭދޭކަމަށާއި، ކުރިޔަށް އޮތް 5 އަހަރު ދިވެހީން އެދޭ މަގުގައި ދަތުރު ކުރަން ދިވެހީން ބޭނުންވާ ކަމަށް ނަރީޝް ފާހަގަކުރެއްވިއެވެ.
މިހާރު މަޖިލީހުގެ މެޖޯރިޓީ އޮތް، އަދި ކުރިއަށް އޮތް މަޖިލިސް އިންތިހާބުގެ މެޖޯރިޓީއަށްވެސް އެދެމުން އަންނަ އެމްޑީޕީއަށް ނިސްބަތްކޮށް ނަރީޝް ވިދާޅުވީ، ފިތުނައިގެ ކަނޑެއްގައި ދިވެހިން ޣަރަގުވެގެން ދިޔުމަށް ބޭނުންނުވާ ކަމަށެވެ.
ސަރުކާރަށް ޖެއްސުން ކުރާ މަޖިލީހެއް ދިވެހީން ބޭނުމެއް ނުވޭ! މަގުމަތިން ސަރުކާރު ވައްޓާލާކަށް ދިވެހީން ނޭދޭ! ދިވެހީންން އެދެނީ އެރައްޔިތުންނަށް ތިޔާގިކަމާއި ފާގަތިކަން، ގައުމަށް ތަރައްގީއާއި ހަމަޖެހުން، ފިތުނައިގެ ކަނޑެއްގައި އަރަޤުވެގެން ދާކަށް ދިވެހީން ނޭދޭ!
އަޙުމަދު ނަރީޝް އެކްސްގައި ވިދާޅުވިއެވެ.
މިއަދު މިއޮތް ހާލަތު ބަދަލުކޮށްދިނުމުގައި ރައްޔިތުންނަށް ވެދެވޭނެ އެއްމެ ބޮޑު އެހީތެރިކަމަކީ މި ސަރުކާރަށް މަޖިލީސް ނަގައި ދިނުން ކަމަށް ފާހަގަކުރައްވައު ނަރީޝް ވިދާޅުވީ، ވައުދުވެވަޑައިގަންނަވާ ކަންކަން ދިވެހި ރައްޔިތުންނަށް ކޮށްދެއްވަވާނީ އަދި ކޮށްދެވޭނީވެސް ރައީސް މުއިއްޒުއަށާއި މި ސަރުކާރަށް ކަމަށެވެ.
ނަރީޝް އިތުރަށް ވިދާޅުވީ ރައީސް މުއިއްޒަކީ ވިޝަނަރީ ލީޑަރެއް ކަމަށާއި މިގައުމުގެ ލޭންޑްސްކޭޕް ބަދަލުކޮށްލާނެ މޮޅު އިންޖީނިއަރެއް ކަމަށެވެ.
އަދި ޒުވާނުންގެ ބައިވެރިވުމާއި އިސްރަށްވެހީންގެ ތަޖުރިބާ ބޭނުންކުރައްވައިގެން ދިވެހީންގެރާއްޖެ ހަޤީޤީ މާނައިގައި ދިވެހީންނަށް ހޯދައިދެއްވާނެ މޮޅު ކައްޕިތާނަކީވެސް ރައީސް މުއިއްޒުކަމަށް ނަރީޝް ވިދާޅުވިއެވެ.
Advertisement
This content is created and paid for by advertisers and does not involve Voice Journalists
