ޏ ފުވައްމުލަކުގައި، ބާރު ސްޕީޑްގައި ދުއްވާފައިދިޔަ ސައިކަލެއް ކޮންޓްރޯލުން ނެއްޓިގެން، ރޭވެސް ނުރައްކާތެރި އެކްސިޑެންޓްއެއް ހިނގައިފިއެވެ. 

ފުލުހުން މީޑިއާ އޮފިޝަލް ވިދާޅުވި ގޮތުގައި ރޭގެ އެކްސިޑެންޓް ހިނގާފައިވަނީ ބާރް ސްޕީޑްގައި ސައިކަލު ކޮންޓްރޯލް ނުވެގެންގޮސް ދިގުވާޑު ނައިބުތުއްތު މަގުގައި އޮތް އެކްސްކެވޭޓަރެއްގައި ޖެހިގެންނެވެ. އަދި އެކްްސިޑެންޓް ހިނގާފައިވާ ކަމުގެ މައުލޫމާތު އެ އުދާރާއަށް ލިބުނީ ރޭ 23:45 ކަންހާއިރުއެވެ. 

މި އެކްސިޑެންޓްގައި އަނިޔާވެފައިވަނީ 27 އަހަރުގެ ދިވެހި ފިރިހެނަކަށް ކަމަށާ،  އޭނާއަށް ފުވައްމުލަކު ހޮސްޕިޓަލުގައި ފަރުވާ ދިނުމަށްފަހު، އިތުރު ފަރުވާއަށް މާލެ ގެނައުމަށްފަހު އައިޖީއެމްއެޗްގައި ފަރުވާ ދެމުންދާ ކަމަށް އޮފިޝަލް ވިދާޅުވިއެވެ.

ފުވައްމުލަކުގައި ސައިކަލެއް ކޮންޓްރޯލުން ނެއްޓި، ޒިބްރާ ކްރޮސް ޕޯސްޓް ދަނޑީގައި ޖެހި ހޯމަ ދުވަހުގެ ރޭވެސް ނުރައްކާތެރި އެކްސިޑެންޓެއް ވަނީ ހިނގާފައެވެ. 

އެ އެކްސިޑެންޓްގައި 32 އަހަރުގެ ދިވެހި ފިރިހެނަކަށް އަނިޔާވެފައިވާއިރު، އެ މީހާއަށް ފުވައްމުލަކު ހޮސްޕިޓަލުގައި ފަރުވާ ދިނުމަށްފަހު، ހާލު ސީރިއަސްވެ އިތުރު ފަރުވާއަށް ވަނީ އިއްޔެ މާލެ ގެނެސްފައެވެ.