Advertisement
މެއި 10 ގެ ފަހުން ރާއްޖޭގައި ބޭރު ސިފައިންގެ އެންމެ މީހަކުވެސް ނުހުންނާނެ: ރައީސް މުޢިއްޒު
މެއި 10 ގެ ފަހުން ރާއްޖޭގައި ބޭރު ސިފައިންގެ އެންމެ މީހަކުވެސް ނުހުންނާނެކަމަށް ރައީސުލްޖުމްހޫރިއްޔާ ޑރ. މުޙައްމަދު މުޢިއްޒު ވިދާޅުވެއްޖެއެވެ.
ރައީސް މުޢިއްޒު މިފަދައިން ވިދާޅުވީ ހުޅުމާލޭގެ ދެވަނަ ފިޔަވަހީގެ ހިޔާ ސަރަހައްދުގައި ރައްޔިތުންނާ ބައްދަލުކުރައްވައި ރޭގައި ދެއްކެވި ވާހަކަފުޅުގައެވެ.
ރައީސް މުޢިއްޒު ވިދާޅުވީ ދިވެހިރާއްޖެ އަކީ ހަމަޖެހުމާއި މިނިވަންކަން އޮންނަ ރާއްޖެއެއްކަމަށެވެ. އެގޮތުން, މި ޤައުމަކީ ތާ އަބަދު މިނިވަން ގައުމެއްގެ ގޮތުގައި ބޭއްވުމަކީ އެމަނިކުފާނު ވެވަޑައިގެންނެވި ވައުދުފުޅެއްކަމަށް ރައީސް މުޢިއްޒު ވިދާޅުވިއެވެ.
އެކަން ކުރުމުގައި، ފުރަތަމަ ދުވަހުން ފެށިގެން ޢަމަލީގޮތުން އަޅުގަނޑުމެން މި އަންނަނީ މަސައްކަތްކުރަމުން. ދިވެހި ރައްޔިތުންނަށް އެކަން ފެނިވަޑައިގަންނަވާނެ. މިތަނުގައި ތިބި ބޭރުގެ ސިފައިން ފޮނުވާލުމަށްޓަކައި ފުރަތަމަ ދުވަހު މަސައްކަތް ފެށިގޮތަށް، ޑިޕްލޮމަސީގެ ރިވެތި އުސޫލުތަކުގެ ހަމަތަކުގެ މަތިން މަސައްކަތް އެދަނީ ކުރިއަށް
ރައީސް މުޢިއްޒު ވިދާޅުވިއެވެ.
ރައީސް މުޢިއްޒު ވިދާޅުވީ ދެފަރާތުން ލިޔެކިއުމުގައި ސޮއިކުރައްވާ އެއްބަސްވިގޮތަށް މިކަން ތަންފީޒު ކުރައްވަމުން ގެންދަވާ ކަމަށެވެ.
މި ހިނގާ އޭޕްރީލް މަހުގެ ތެރޭގައި ދެވަނަ ޕްލެޓްފޯމްގައި ތިބި ބޭރުގެ ސިފައިން ފައިބާނެކަމަށާއި އަދި ތިންވަނަ ޕްލެޓްފޯމްގައި ތިބި ބޭރުގެ ސިފައިން ދެން އަންނަ މަހުގެ 10ގެ ކުރިން ފައިބާނެކަމަށް އެމަނިކުފާނު ވިދާޅުވިއެވެ.
ދިވެހީންގެ ރާއްޖެ ގާއިމުކުރުމަށްޓަކައި މިކުރާ މަސައްކަތުގައި މިކަހަލަ އެތައް ކަމެއް ކުރުމުގައި، ދިވެހީންގެ ވިސްނުން އިސްކުރާ، އެހެން ބަޔަކަށް، އެހެން ބައެއްގެ އެޖެންޑާ، މިތާގައި ތަންފީޒުކުރުމަށް ފުރުސަތު ނުދޭ ވިސްނުމުގެ މީހުން މަޖިލީހަށް ހޮވަންޖެހެނީ އެހެންވެގެން. އެހެންވީމަ، މި ރައްކާތެރިކަމާއި މިނިވަންކަމާއި، ސަލާމަތްތެރިކަން މި ގައުމުގައި ގާއިމުކުރުމަށްޓަކައި، އަޅުގަނޑުމެން މަޖިލީހުގައި މެންަބަރުން ހޮވުމުގައި މިދެންނެވި ވިސްނުން އިސްކުރަންޖެހޭ އަނެއް ސަބަބަކީ.
ރައީސް މުޢިއްޒު ވިދާޅުވިއެވެ.
ރައީސް މުޢިއްޒު ވިދާޅުވީ ބަދަލު ހިފުމުގެ ރޫހުގައި ތިބި ބައެއްގެ އަތްމައްޗަށް މަޖިލިސް ދޫކޮށްލާފިއްޔާ އެބޭފުޅުން ބަދަލު ހިފުމަށްޓަކައި ގައުމު ހަމަނުޖެހުމުގެ ތެރެއަށް ގެންދަވާނެ ކަމަށެވެ.
ރައީސް މުޢިއްޒު ވަނީ އެކަން އެމިސްރާބަށް ނުގެންދިއުމަށް ސަރުކާރު ކެންޑިޑޭޓުން އިންތިހާބުކުރުމަށް އެދިވަޑައިގެންފައެވެ.
Advertisement
Advertisement
Advertisement
This content is created and paid for by advertisers and does not involve Voice Journalists
