ޢީދު ދުވަހު ކުލަޖެހުމާއި މިއުޒިކު ޝޯ ބާއްވަން މާލޭ ސިޓީ ކައުންސިލުން ނިންމައިފިއެވެ.

"މަގޭ ޢީދު" ގެ ނަމުގައި ސާދަ އެންޓަޓެއިންމަންޓާއި މާލޭ ސިޓީ ކައުންސިލްއާއި އިތުރު ކުންފުނިތައް ގުޅިގެން މިއަހަރުގެ ފިތުރު ޢީދު ދުވަހު މާލޭގައި ވަރަށް ތަފާތު ކުލަގަދަ ހަރަކާތްތަކެއް ބޭއްވުމަށްވަނީ ހަމަޖެހިފައެވެ.

އެގޮތުން، މާލޭ ސިޓީ ކައުންސިލުން އިއްޔެ އެކްސްގައި ކުރި ޕޯސްޓެއްގައި ހިމަނާފައިވާ، ޢީދު ދުވަހު ކުރިއަށްގެންދިއުމަށް ނިންމާފައިވާ ހަރަކާތްތަކުގެ ތެރޭގައި:

- ފެންކުޅުން: ހެނދުނު 09:00 ގައި ރަސްފަންނުގައި

- ބޮޑުމަހާއި މާލި ޕެރޭޑް: ހަވީރު 16:00 ގައި އޮލިމްޕަސް ކުރިމަތިން

- ސްޓޭޖް ޝޯ: ރޭގަނޑު 20:30 ގައި އާޓިފިޝަލް ބީޗުގައި

- ހަވާ އެރުވުން: ރޭގަނޑު 22:00 ގައި އާޓިފިޝަލް ބީޗު ސަރަހައްދުގައި ބޭއްވުމަށް ވަނީ މާލޭ ސިޓީ ކައުންސިލުން ނިންމާފައެވެ.

ކޮންމެ އަހަރަކުވެސް ޢީދު ދުވަހު ތަފާތު އެކި ކުޅިވަރުތަކާއި ހަރަކާތްތައް މާލެއާއި ރާއްޖެތެރޭގައި އިންތިޒާމު ކުރަމުން ގެންދާކަން ފާހަގަކޮށްލެވެއެވެ.