1445 ވަނަ އަހަރުގެ ފިތުރު ޢީދު ނަމާދު މާލޭ ސަރަހައްދުގައި ކުރުމަށް ހަމަޖެހިފައިވާ މިސްކިތްތަކާއި މައިޒާންތަށްއާއްމުކޮށްފިއެވެ.
އިސްލާމީ ކަންތައްތަކާބެހޭ ވުޒާރާއިން އާއްމުކޮށްފައިވާ އިއުލާނުގައި ބުނެފައިވަނީ، މާލޭ ސަރަހައްދުގެ 22 މިސްކިތެއްގައި ޢީދު ނަމާދު ކުރުމަށް ހަމަޖެހިފައިވާއިރު 04 މައިޒާނެއްގައި ޢީދު ނަމާދު ބޮޑު ޖަމާޢަތުގައި ކުރުމަށްވެސް ހަމަޖެހިފައިވާކަމުގައެވެ.
އެގޮތުން، މާލޭގެ 16 މިސްކިތެއްގައި، ހުޅުމާލޭގެ 5 މިސްކިތެއްގެ އިތުރުން ވިލިމާލޭގެ 1 މިސްކިތެއްގައި ޢީދު ނަމާދު ކުރުމަށް ވަނީ ހަމަޖެހިފައެވެ.
މީގެ އިތުރުން، ޢީދު ނަމާދު ބޮޑު ޖަމާޢަތުގައި ކުރުމަށް ހަމަޖެހިފައިވާ ސަރަހައްދުތަކަކީ
- މާލޭ ބޮޑުޖަމާޢަތް (މާފަންނު ސްޓޭޑިއަމް)
- ވިލިމާލޭ ބޮޑު ޖަމާޢަތް (ވިލިމާލޭ ބޯޅަދަނޑު)
- ހުޅުމާލޭ ފޭސް 01 ބޮޑު ޖަމާޢަތް (ސިންތެޓިކް ޓްރެކް ސަހަރައްދު)
- ހުޅުމާލޭ ފޭސް 02 ބޮޑު ޖަމާޢަތް (ކްރިކެޓް ސްޓޭޑިއަމް ސަރަހައްދު) ގައެވެ.
ދިވެހިރާއްޖޭގައި ޢީދު ނަމާދުގެ ޖަމާޢަތް ކުރިން ފަށަނީ ހެނދުނު 07:30 ގައި ނަމަވެސް އިސްލާމީ ކަންތައްތަކާބެހޭ ވުޒާރާއިން މިހާރު ވަނީ ޢީދު ނަމާދު ފަށާ ވަގުތު ހެނދުނު 07:00 އަށް އަވަސްކޮށްފައެވެ.
Advertisement
This content is created and paid for by advertisers and does not involve Voice Journalists
