ރާއްޖޭގެ މެރިޓައިމް ދާއިރާއަށް އިންޤިލާބީ ބޮޑު ބަދަލެއް ރައީސުލްޖުމުހުރިއްޔާ ޑރ. މުހައްމަދު މުއިއްޒު ގެންނަވާނެކަމަށާ އެމަނިކުފާނަކީ އިގްތިޞާދީ މާހިރެއް ކަމަށް އެމްޕީއެލްގެ ސީއީއޯ މުހައްމަދު ވަޖީހު އިބްރާހިމް ވިދާޅުވެއްޖެއެވެ.

ވަޖީހު މިފަދައިން ވިދާޅުވީ ރައީސް ޑރ. މުއިއްޒު ލ. ފޮނަދޫ ރައްޔިތުންނާ ބައްދަލުކުރެއްވުމަށް ބޭއްވި ޖަލްސާގައި ވާހަކަ ދައްކަވަމުންނެވެ.

ވަޖީހު ވިދާޅުވީ ރައީސްގެ އިޤްތިސާދީ އެޖެންޑާގައި ހިމަނުއްވާފައިވާ ކަންކަމަކީ ރާއްޖެއަށް އިގްތިޞާދީ ބޮޑެތި ބަދަލުތަކެއް އަންނާނެ ކަންކަން ކަމަށާ މިއިން ޒަމާނަކު ރާއްޖޭގެ އިޤްތިސާދީ ކަންކަމާ މެދު ރައީސްއަކު ނުވިސްނާ މިންވަރަށް ރައީސް ޑރ. މުއިއްޒު ވިސްނާވާކަމަށެވެ.

Advertisement

މީގެ އިތުރުން، ރޭ ސޮއި ކުރެވިގެންދިޔަ ލ. އިންޓަގްރޭޓެޑް މެރިޓައިމް ހަބް މަޝްރޫޢު އާއި ގޫލޭ ގޮތުން ވާހަކަ ދައްކަވަމުން ވަޖީހު ވިދާޅުވީ، މަޝްރޫޢުގެ މަސައްކަތް ފެށުމުގެ ކުރިންވެސް އެ މަސައްކަތް ފެށުމަށް ބޭނުންވާ މާކެޓު ހޯދުމުގެ މަސައްކަތް އެކުންފުނިން ފަށާފައިވާ ކަމަށެވެ.

މީގެ އިތުރުން ވަޖީހު ވަނީ ޓްރާންސްޝިޕްމެންޓް ބަނދަރަށް ދުނިޔޭގެ ބޮޑެތި ޝިޕިންގް ލައިނާ ލައިނާތައް ގެންނަން ބޭނުންވާ ކަމަށާ، އެއިން އެންމެ ޝިޕިންގ ލައިނާއަކުންވެސް ރާއްޖޭގެ އިޤްތިޞާދު ބަދަލުވެގެންދާނެކަމަށް ވިދާޅުވެފައެވެ.