ހއ.ހޯރަފުށީ އެއާޕޯޓުގައި ބޭނުންކުރުމަށް ގެންގޮސްފައިވާ ފަޔާ ޓްރަކަކީ 25 އަހަރުވީ "ބާ މުދާގަނޑެއް" ކަމަށް  ރީޖަނަލް އެއާޕޯޓްސް ކޮމްޕެނީ (އާރްއޭސީއެލް)ގެ މެނޭޖިން ޑިރެކްޓް އަހުމަދު މުބީން ވިދާޅުވެއްޖެއެވެ.

ހޯރަފުށީ އެއާޕޯޓްގައި ބޭނުންކުރާ ފަޔާ ޓްރަކަށް މައްސަލަތައް ދިމާވެ އެ އެއާޕޯޓްގެ އޮޕަރޭޝަންތަކަށް ބުރޫއަރާއިރު، މިކަމާއި ގުޅިގެން މުބީން ވިދާޅުވީ، ހޯރަފުށީ އެއާޕޯޓްގައި ބޭނުންކުރުމަށް ކުރީގެ ސަރުކާރުން ފަޔާޓްރަކް ގެނެސްފައި އޮތީ ހަނިމާދޫގެ ނަމުގައި ކަމަށާއި، ހޯރަފުށީ އެއާޕޯޓަށް ގެންގޮސް ބޭނުން ކުރާ ފަޔާ ޓްރަކަކީ 25 އަހަރުވެފައިވާ ބާ އެއްޗެއް ކަމަށެވެ.

މުބީން ވިދާޅުވީ، ހޯރަފުށި އެއާޕޯޓްގައި އޮތީ ކޮން އަގެއް ޖަހައިގެން ހޯދާފައި އޮތް އެއްޗެއް ކަން ނޭނގޭ ކަމަށާއި، އެ މައުލޫމާތު ފިނޭންސްގައި އޮންނާނެ ކަމަށެވެ.

Advertisement

ހަމައެއާއިއެކު މުބީން ވަނީ މާވަރުލު އެއާޕޯޓަށް ވެސް ހޯދާފައި އޮތީ ބާ ޓްރަކެއް ކަމަށް ވިދާޅުވެ އޭގެ ސަބަބުން އެ އެއާޕޯޓްގެ އޮޕަރޭޝަންތަކަށް ވެސް ދަތިތަކާ ދިމާވެފައިވާ ކަން ފާހަގަކުރައްވާފައެވެ.