Advertisement
ހޯރަފުށީ އެއާޕޯޓަށް ގެންގޮސްފަައިވާ ފަޔާ ޓްރަކަކީ 25 އަހަރުވީ ބާ މުދާގަނޑެއް: މުބީން
ހއ.ހޯރަފުށީ އެއާޕޯޓުގައި ބޭނުންކުރުމަށް ގެންގޮސްފައިވާ ފަޔާ ޓްރަކަކީ 25 އަހަރުވީ "ބާ މުދާގަނޑެއް" ކަމަށް ރީޖަނަލް އެއާޕޯޓްސް ކޮމްޕެނީ (އާރްއޭސީއެލް)ގެ މެނޭޖިން ޑިރެކްޓް އަހުމަދު މުބީން ވިދާޅުވެއްޖެއެވެ.
ހޯރަފުށީ އެއާޕޯޓްގައި ބޭނުންކުރާ ފަޔާ ޓްރަކަށް މައްސަލަތައް ދިމާވެ އެ އެއާޕޯޓްގެ އޮޕަރޭޝަންތަކަށް ބުރޫއަރާއިރު، މިކަމާއި ގުޅިގެން މުބީން ވިދާޅުވީ، ހޯރަފުށީ އެއާޕޯޓްގައި ބޭނުންކުރުމަށް ކުރީގެ ސަރުކާރުން ފަޔާޓްރަކް ގެނެސްފައި އޮތީ ހަނިމާދޫގެ ނަމުގައި ކަމަށާއި، ހޯރަފުށީ އެއާޕޯޓަށް ގެންގޮސް ބޭނުން ކުރާ ފަޔާ ޓްރަކަކީ 25 އަހަރުވެފައިވާ ބާ އެއްޗެއް ކަމަށެވެ.
މުބީން ވިދާޅުވީ، ހޯރަފުށި އެއާޕޯޓްގައި އޮތީ ކޮން އަގެއް ޖަހައިގެން ހޯދާފައި އޮތް އެއްޗެއް ކަން ނޭނގޭ ކަމަށާއި، އެ މައުލޫމާތު ފިނޭންސްގައި އޮންނާނެ ކަމަށެވެ.
"އެއީ ތެދެއްގެ އޭގެ ސަބަބުން އޮޕަރޭޝަނަށް ބޮޑެތި ބުރޫތައް އަރާ، ވަރަށް ތަކުލީފުތައް އުފުލަންޖެހޭ، އަޅުގަނޑަކަށް ނޭނގޭ މި ކޮން އަގެއް ޖަހައިގެން ހޯދާފައި އޮތް އެއްޗެއް ކަން ސީދާ ދަންނަވާކަށް، އެ މައުލުމާތު ފިނޭންސްގައި އޮންނާނެ. އެކަމަކު އަޅުގަނޑުމެން ބެލިބެލުމުން އެނގުނު މީ 25 އަހަރުވީ ބާ މުދާގަނޑެއްކަން،"
މުބީން ވިދާޅުވިއެވެ.
ހަމައެއާއިއެކު މުބީން ވަނީ މާވަރުލު އެއާޕޯޓަށް ވެސް ހޯދާފައި އޮތީ ބާ ޓްރަކެއް ކަމަށް ވިދާޅުވެ އޭގެ ސަބަބުން އެ އެއާޕޯޓްގެ އޮޕަރޭޝަންތަކަށް ވެސް ދަތިތަކާ ދިމާވެފައިވާ ކަން ފާހަގަކުރައްވާފައެވެ.
Advertisement
Advertisement
Advertisement
This content is created and paid for by advertisers and does not involve Voice Journalists
