ވިއްސާރައިގައި ފެންބޮޑުވެ ގެއްލުންތައްވާ ބައެއް ރަށްތަކަށް އެހީ ޖަމިއްޔާއިން ފެން ހިންދާ ޕަންޕު ހަދިޔާކޮށްފިއެވެ.

މިކަމާއި ގުޅޭ މައުލޫމާތު ހިއްސާކުރަމުން އެހީ ޖަމިއްޔާއިން ބުނީ، ވޭތުވެދިޔަ ދުވަސްތަކުގައި ރާއްޖޭގެ އެކި ކަންކޮޅުތަކަށް ވެހެމުންދިޔަ ބޯ ވިއްސާރައިގެ ސަބަބުން ލިބެމުންދާ ގެއްލުމާއި އެފަދަ ވިއްސާރާގައި ފެންބޮޑުވުމުން އެ ހިންދުމުގެ މަސައްކަތް ކުރިޔަށް ގެންދާ ގޮތް ބެލުމަށް ބައެއް ރަށްތަކުގެ ކައުންސިލަށް ގުޅާ މައުލޫމާތު ސާފު ކުރުމަށްފަހު އެހީ ޖަމިއްޔާއިން ނީޑްސް އެސެސްމެންޓެއް ހަދާފައިވާ ކަމަށެވެ. 

މިގޮތުން ފުރަތަމަ ފޭސްގައި މައިގަނޑު ގޮތަކަށް ބަލާފައިވަނީ ކ އަތޮޅުގެ ރަށްތަކަށް ކަމަށާ މި އެސެސްމަންޓްގައި އެ ޖަމިއްޔާ އަށް ފާހަގަކުރެވުނު ބައެއް ކަންކަމަކީ؛

* މީގެ 2 ހަފްތާވަރު ކުރިން ވެހުނު ވާރޭގެ ސަބަބުން ކ.ގުރައިދޫއަށް އާންމުން ދިރިއުޅޭ 50+ ގެއެއްގެ އިތުރުން ގެސްޓް ހައުސްތަކަށް ބޮޑެތި ގެއްލުންތަކެއް ލިބިފައިވާކަން

* ދިޔަވަރު ބޮޑުވުމުގެ ސަބަބުންނާއި އަލިފާން ރޯވާތީ ފެން ޕަމްޕު ބޭނުންވާ ރަށްތަކެއްވެސް ހުރިކަން. އޭގެތެރޭގައި ހިމެނެނީ ކ.ދިއްފުށި, ކ.ތުލުސްދޫ, އަދި ކ.ކާށިދޫ އަދި ލ. ފޮނަދޫ.  

* ރަށު ކައުންސިލް, އެމްއެންޑީއެފް އަދި ރަށުގެ އާންމު ރައްޔިތުން ގުޅިގެން ކާރިސާ ދިމާވާ ދުވަސް ދުވަހު ކޮންމެސް ވަރަކަށް މެނޭޖު ކުރެވުނު ކަމުގައި ވީނަމަވެސް މި ރަށްތަކަށް ފެން ފަމްޕު ލިބިގެން ދިޔުން ވާނީ ލިބިގެންދާ ވަރަށް ބޮުޑު އެހީތެރިކަމެއްކަން

އެހެންކަމުން، އިންޓަނޭޝަނަލް އެއިޑް ކެމްޕެއިން (އައި.އޭ.ސީ)ގެ އެހީއާއި އެކު އެހީ ޖަމިއްޔާއިން އެ ރަށްރަށުގެ ރަށު ކައުންސިލްތަކަށް ފެން ޕަމްޕު ހަދިޔާކުރެވިފައިވާކަންވެސް އެ ޖަމިއްޔާއިން ވަނީ ފާހަގަކޮށްފައެވެ. 

މީގެ ކުރިންވެސް އެހީ ޖަމިއްޔާއިން ވަނީ މާލޭގައި ފެންބޮނޑުވުމުގެ ސަބަބުން އެމްއެންޑީއެފްއަށް ފެން ޕަމްޕު ހަދިޔާ ކޮށްފައެވެ. އެ ޖަމިއްޔާގެ އުންމީދަކީ މިފަދަ އެހީތައް ބޭނުންވާ ރަށްތައް ދެނެގަނެ ބޭނުންވާ އެހީ ކުރިއަށް އޮތްތާ ފޯރުކޮށްދިނުން ކަމަށް ޖަމިއްޔާއިން ބުނެފައިވެއެވެ. 

އެހީ ޖަމިއްޔާއިން ބުނީ، އެ ޖަމިއްޔާއިން ހިންގާ މިފަދަ ކޮމިއުނިޓީ ވެލްފެއަރ ޕްރޮޖެކްޓްތަކަށް ފައިސާގެ އެހީ ފޯރުކޮށްދިނުމަށް ބޭނުންވާ ފަރާތްތަކުން އަންނަނިވި އެކައުންޓަށް ފައިސާ ޖަމާ ކުރުމުން އެކަން ހަމަޖެހިގެންދާނެ ކަމަށެވެ. 

ބީ.އެމް.އެލް އިސްލާމިކް އެކައުންޓް ނަމްބަރ: 7770000014818 

އެކައުންޓްގެ ނަން: EHEE JAMIYYA 

އެކައުންޓް ލޭބަލް: EHEE COMMUNITY WELFARE ACCOUNT

މިފަދަ އިތުރު ހަރަކާތްތައް މެދުނުކެނޑި ކުރިއަށް ގެންދިއުމަށްޓަކައި ލިބިގެންދާ ފައިސާގެ %12.5 ހަރަކާތް ރާވާ ހިންގުމުގެ ޚަރަދުތަކަށް ބޭނުންކުރެވިގެން ދާނެކަން އެހީ ޖަމިއްޔާއިން ފާހަގަކޮށްފައިވެއެވެ.