ކެފޭއެއްގެ ދުންހޮޅިން ބަދިގެ ތެރެއަށް ދުން ލީކުވުމުގެ ސަބަބުން ބަދިގޭގައި ތިބި 7 މީހަކު އަނބުރައިގަނެގެން ފަރުވާ ދެމުންދާ ކަމަށް ފުލުހުން ބުނެފިއެވެ.
ފުލުހުންގެ މީޑިއާ އޮފިޝަލް ވިދާޅުވި ގޮތުގައި، މި ހާދިސާ ހިނގާފައިވަނީ ބޮޑުތަކުރުފާނުމަގުގައި ހުރި ކެފޭ އެއްގައެވެ.
އަދި އެ ކެފޭގެ ދުން ހޮޅިން ބަދިގެ ތެރެއަށް ދުން ލީކު ވުމުގެ ސަބަބުން އެ 7 މީހުން އަނބުރައުގަނެގެން އައިޖީއެމްއެޗަށް ގެންދެވުނު ކަމަށް އެ އިދާރާއަށް ރިޕޯޓް ކޮށއފައިވަނީ މިއަދު ފަތިހު 5:50 ކަންހާއިރު ކަމަށް އޮފިޝަލް ވިދާޅުވިއެވެ.
އެ ހޮސްޕިޓަލަށް ގެންދެވުނު މީހުންގެ ތެރޭގައި ހިމެނެނީ ސްރީލަންކާ މީހަކާއި، އިންޑިޔާ މީހަކާއި، ބަންގަލަދޭޝްގެ ދެމީހުންގެ އިތުރުން ނޭޕާލްގެ ތިން މީހުން ކަމަށާ، އެމީހުންގެ ތެރެއިން އެކަކަށް މިހާރު ފަރުވާ ދެމުންދަނީ އޭޑީކޭގައި ފަރުވާ ދެމުންދާ ކަމަށްވެސް ވިދާޅުވިއެވެ.
އެތަނުން އެކެއްގެ ހާލުވެސް ސީރިއަސް ނޫން ކަމަށް ހޮސްޕިޓަލާއި ހަވާލާދީ އޮފިޝަލް ވިދާޅުވިއެވެ.
މި ހާދިސާ ހިނގި ގޮތް ފުލުހުން ދަނީ ތަހުގީގު ކުރަމުންނެވެ.
Advertisement
This content is created and paid for by advertisers and does not involve Voice Journalists
