ރާއްޖޭގެ ބޮޑު ބަޔަކަށް ވައިގަދަވެ ކަނޑުތައް ވަރަށް ގަދަވެ، މޫސުން ގޯސްވާނެކަމަށް ލަފާކޮށް ރީނދޫ ސަމާލު ނެރެފި އެވެ.
މޫސުމާއި ބެހޭ އިދާރާއިން ރީނދޫ ސަމާލު ނެރިފައިވަނީ ހއ އަތޮޅުން ފެށިގެން ތ އަތޮޅާއި ހަމައަށެވެ. އެ ސަރަހައްދަށް ރީނދޫ ސަމާލު ނެރެފައިވަނީ މިއަދު ހެނދުނު 14:30 ފެށިގެން މެންދުރުފަހު 18:30 އަށެވެ.
މެޓް އޮފީހުން ބުނީ، އެވަގުތު ތަކުގައި ސަރަހަށްދަށް ގަޑިއަކު 25 މޭލާއި 30 މޭލު ދެމެދުގެ ބާރުމިނުގައި ވައި ޖެހި، ވިލާގަނޑުގައި ގަޑިއަކު 50 މޭލަށް ވައި ގަދަވެ ކަނޑުތައް ވަރަށް ގަދަވާނެ ކަމަށެވެ.
މީގެ އިތުރުން މެޓް އޮފީހުން ވަނީ ލ އަތޮޅުން ފެށިގެން އައްޑޫ ސިޓީއަށް ވެސް ހުދު ސަމާލު ނެރެފައެވެ.
އެގޮތުން ހުދު ސަމާލު ނެރިފައިވަނީ މިއަދުގެ 14:30 ހުން ފެށިގެން 18:30 އަށެވެ.
މެޓް އޮފީހުން ބުނީ، އެވަގުތު ތަކުގައި ސަރަހަށްދަށް ގަޑިއަކު 22 މޭލާއި 27 މޭލު ދެމެދުގެ ބާރުމިނުގައި ވައި ޖެހި، ގަދަވެ ކަނޑުތައް ގަދަވާނެ ކަމަށެވެ.
މި ދުވަސްވަރަކީ ވިއްސާރަވެ ވައުގަދަވެ ކަނޑުތައްވެސް ގަދަ ދުވަސްތަކަކަށް ވުމުން ކަނޑު ދަތުރުކުރައްވާ ފަރާތްތަކުން ސަމާލުވުމަށް ދިވެހި ރެޑް ކްރެސެންޓުން ވަނީ އެދިފައެވެ.
Advertisement
This content is created and paid for by advertisers and does not involve Voice Journalists
