މޯލްޑިވްސް މާކެޓިން އެންޑް ޕަބްލިކް ރިލޭޝަންސް ކޯޕަރޭޝަން (އެމްއެމްޕީއާރުސީ)ގެ ހިންގުން ވަގުތީ ގޮތުން، އެ ކުންފުނީގެ ޑެޕިއުޓީ މެނޭޖިން ޑިރެކްޓަރުގެ މަގާމުގައި ހުންނެވި މުހައްމަދު ބައްސާމު އާދަމް އާ ހަވާލުކޮށްފިއެވެ.

ޕްރައިވެޓައިޒޭޝަން އެންޑް ކޯޕަރަޓައިޒޭޝަން ބޯޑު (ޕީސީބީ)ން މިއަދު އެކްސް ގައި ކުރި ޕޯސްޓެއްގައި ވަނީ މިކަން އިއުލާނުކޮށްފައެވެ.

އެމްއެމްޕީއާރްސީ ހިންގުން ވަގުތީ ގޮތުން ބައްސާމްއާ ހަވާލުކޮށްފައި މިވަނީ، އެމްއެމްޕީއާރުސީގެ މެނޭޖިން ޑިރެކްޓަރުކަމުގެ މަގާމުން ފާތިމަތު ތައުފީގު (ކުޑީ) އިއްޔެ އެ މަގާމުން ވަކިކުރުމާއި ގުޅިގެންނެވެ.

Advertisement

ކުޑީ އެމަގާމުން ވަކިކޮށްފައި ވާއިރު، އެމްއެމްޕީއާރްސީގެ ޗެއާޕާސަންގެ މަގާމުގައި ހުންނެވި އަައިޝާ ނޫރައިން ނަޖާހު ވެސް ވަނީ މިމަހު 21 ވަނަ ދުވަހު އެ މަގާމުން އިސްތިއުފާ ދެއްވާފައެވެ.

އަދި އެ ކޯޕަރޭޝަންގެ ބޯޑު މެންބަރު ރާފިލް މުހައްމަދު ވެސް ވަނީ އިއްޔެ މަގާމުން އިސްތިއުފާދެއްވައިފައެވެ.