އެމްޑީޕީއާއި ދަ ޑިމޮކްރެޓްސް ޕާޓީ އިން މައި ހަރުގެ ގޮތުގައި ކުރިން ބޭނުންކުރި ހ. ވެޔޮވިލާގޭގެ އިމާރާތް ވެރިކަން ކުރާ ޕީއެންސީ އިން ކުއްޔަށް ނަގައިފި އެވެ.

ހ. ވެޔޮވިލާގެ އަކީ ކުރީގެ ރައީސް ނަޝީދަށް ވަރަށް ބޮޑަށް ތާއިދު ކުރައްވަމުންދިޔަ ޝަފީޢާ ޒުބައިރުގެ އިމާރާތެކެވެ.

އެތަން އެންމެ ފުރަތަމަ ބޭނުން ކުރަމުންދިޔައީ އެމްޑީޕީ ހަރުގޭގެ ގޮތުގައެވެ. އެއަށްފަހު، ނިމިދިޔަ ރައީސް އިބްރާހީމް މުހައްމަދު ޞާލިހުގެ ވެރިކަމުގައި އެމްޑީޕިގެ އެތެރޭގައި އުފެދުނު ކޯޅުމުގެ ތެރެއިން ޕާޓީ ދެކަފިވެ ނަޝީދަށް ތާއީދު ކުރައްވާ ފަރާތްތަކުން ޑިމޮކްރެޓްސް އުފެއްދުމާއިއެކު، ހ. ވެޔޮވިލާގެ ބޭނުންކުރަން ފެށީ ޑިމޮކްރެޓްސްގެ ހަރުގޭގެ ގޮތުގައެވެ.

ނަމަވެސް، މިހާރު އަނެއްކާ އެތަން ވެރިކަން ކުރާ ޕީއެންސީން ކުއްޔަށް ނަގާފައިވާކަން ވޮއިސް އަށް ވަނީ ކަށަވަރު ވެފައެވެ. އެތަން މަރާމާތު ކޮށް ޕީއެންސީގެ ކުލަ ލުމުގެ މަސައްކަތްވެސް މިހާރު ދަނީ ކުރިއަށެވެ. 

އެމްޑީޕީ އަދި ޑިމޮކްރެޓުންގެ ހަރުގެ ޕީއެންސީއަށް ކުއްޔަށް ދޫކޮށްފައިވާއިރު، އެ ހަރުގެ ހުންނަ އިމާރާތުގެ ވެރިޔާ ޝަފީޢާ، ރިޔާސީ އިންތިޚާބުގެ ދެވަނަ ބުރުން ފެށިގެން ތާއިދު ކުރައްވަމުންދަނީ ރައީސުލްޖުމއހޫރިއްޔާ ޑރ މުހައްމަދު މުޢިއްޒުއަށް ކަން ފާހަގަކޮށްލަންޖެހެއެވެ.