ވައިގަދަވެ ކަނޑުތައް ވަރަށް ގަދަވެ، މޫސުން ގޯސްވާނެކަމަށް ލަފާކޮށް މުޅި ރާއްޖެއަށް ހުދު ސަމާލު ނެރެފި އެވެ.

މޫސުމާއި ބެހޭ އިދާރާއިން އެންމެ ކުރިން ހުދު ސަމާލު ނެރިފައިވަނީ ހއ އަތޮޅުން އައްޑު އަތޮޅާއި ހަމައަށެވެ. އެ ސަރަހައްދަށް ރީނދޫ ސަމާލު ނެރެފައިވަނީ މިއަދު ހެނދުނު 5:30 ފެށިގެން  10:30 އަށެވެ.

މެޓް އޮފީހުން ބުނީ، އެވަގުތު ތަކުގައި ސަރަހަށްދަށް ގަޑިއަކު 22 މޭލާއި 27 މޭލު ދެމެދުގެ ބާރުމިނުގައި ވައި ޖެހި، ވިލާގަނޑުގައި ގަޑިއަކު 50 މޭލަށް ވައި ގަދަވެ ކަނޑުތައް ގަދަވާނެ ކަމަށެވެ.

މީގެ އިތުރުން މެޓް އޮފީހުން ވަނީ ގއ އަތޮޅުން އައްޑު އަތޮޅަށް ވެސް ރީނދޫ ސަމާލު ނެރެފައެވެ. 

އެގޮތުން ހުދު ސަމާލު ނެރިފައިވަނީ މިއަދުގެ 9:30 ހުން ފެށިގެން 13:30 އަށެވެ.

މެޓް އޮފީހުން ބުނީ، އެވަގުތު ތަކުގައި ސަރަހަށްދަށް ބޯކޮށް ވާރޭވެހި ވެހި ގުގުރައި، ވިލާގަނޑުގައި ގަޑިއަކު 45 މޭލަށް ވައި ގަދަވެ، ކަނޑުތައް ގަދަވާނެ ކަމަށެވެ.

މި ދުވަސްވަރަކީ ވިއްސާރަވެ ވައުގަދަވެ ކަނޑުތައްވެސް ގަދަ ދުވަސްތަކަކަށް ވުމުން ކަނޑު ދަތުރުކުރައްވާ ފަރާތްތަކުން ސަމާލުވުމަށް ދިވެހި ރެޑް ކްރެސެންޓުން ވަނީ އެދިފައެވެ.