މިއަހަރުގެ ޢަރަފާތު ދުވަހުގެ ޚުތުބާ ދެއްވާނީ މަސްޖިދުލް ޙަރަމްގެ އިމާމު، ޝެއިޚް މާހިރު ބިން ޙަމަދު އަލްމުޢައިޤްލީ ކަމަށް ސައުދީ އަރަބިއްޔާ ގެ ސަރުކާރުން ހާމަކޮށްފިއެވެ.
މަސްޖިދުލް ނަބަވީގެ އިމާމުކަން ވެސް ކުރެއްވި ޝެއިޚް މާހިރު، މަސްޖިދުލް ޙަރަމްގެ އިމާމުގެ އައްޔަނުކުރައްވާފައިވަނީ 2007 ވަނަ އަހަރުއެވެ. ޝެއިޚް ތަޢުލީމް ޙާޞިލްކުރެއްވީ މައްކާގެ އުއްމުލް ޤުރާ ޔުނިވަރސިޓީންނާއި ރިޔާޞްގެ ކިންގް ސަޢުދު ޔުނިވަރސިޓީންނެވެ.
ޢަރަފާތު ދުވަހަކީ ޙައްޖުގެ އަޅުކަމުގެ އެންމެ މުޙިއްމު ދުވަހަށްވާއިރު، އަރަފާތު ދުވަހުގެ ހުތުބާ ދެނީ، ކީރިތި ރަސޫލާ މުޙައްމަދު (ސ.ޢ.ވ) ޢަރަފާތު ދުވަހުގެ ޚުތުބާ ދެއްވި މަޤާމުގައި ބިނާކޮށްފައިވާ މަސްޖިދުލް ނަމިރާގައިއެވެ. މި މިސްކިތަކީ މައްކާގެ ދެވަނައަށް އެންމެ ބޮޑު މިސްކިތްކަން ފާހަގަކޮށްލަން ޖެހެއެވެ.
މި އަހަރުގެ އަރަފާތު ދުވަހަކީ ޖޫން 16 ކަމަށް ބެލެވޭއިރު، ހައްޖު މޫސުން ފެށޭނީ ޖޫން މަހުގެ 14 ވަނަ ދުވަހުއެވެ.
Advertisement
This content is created and paid for by advertisers and does not involve Voice Journalists
