މާލޭގައި ޕާކުކޮށްފައި ހުރި ސައިކަލު ތަކެއްގައި ރޯކޮށްލައިފިއެވެ. 

ފުލުހުން ބުނީ، މެދު ޒިޔާރަތްމަގު، ހޮޓެލް ޖެން ކައިރީ ސައިކަލު ޕާކިން ޒޯނެއްގައި ހުރި ސައިކަލު ތަކެއްގައި އަލިފާން ރޯކޮށްލާފައިވާ ކަމަށް މިއަދު ފަތިހު 3:03 ކަންހާއިރު އެ އިދާރާއަށް ރިޕޯޓް ކޮށްފައިވާ ކަމަށެވެ.

ސައިކަލު ތަކު އަލިފާން ނިއްވުމަށް ސިފައިން މަސައްކަތް ކުރަނީ: ފޮޓޯ/ އެމްއެންޑީއެފް

އަދި އަލިފާން ރޯކޮށްލުމާއި ގުޅިގެން 7 ސައިކަލަކާއި ވޭނަކަށް ގެއްލުން ވެފައިވާ ކަމަށާ އޭގެ ތެރެއިން ތިން ސައިކަލް ވަނީ ބޭނުން ނުކުރެވޭ ވަރަށް އަދާފައި ކަމަށް ފުލުހުން މައުލޫމާތު ދެއެވެ. 

ސައިކަލު ތަކު އަލިފާން ނިއްވުމަށް ސިފައިން މަސައްކަތް ކުރަނީ: ފޮޓޯ/ އެމްއެންޑީއެފް

މިއާއެކު ފުލުހުން ބުނީ މައްސަލަ އާއި ގުޅިގެން އަދި އެއްވެސް މީހަކު ހައްޔަރު ކޮށްފައި ނުވާ ކަމަށާ އެހެން ނަމަވެސް އަލިފާން ރޯކުރި މީހާ ދެނެގަނެވިފައިވާ ކަމަށެވެ. 

އަދި ފުލުހުން މިހާރު މަސައްކަތް ކުރަމުންދަނީ އަލިފާން ރޯކުރި ކަމަށް ތުހުމަތުވާ މީހާ ހައްޔަރު ކުރުމުގެ މަސައްކަތް ކުރަމުންދާ ކަމަށްވެސް ބުންޏެވެ. 

މި މައްސަލަ ފުލުހުން އަންނަނީ ތަހުގީގު ކުރަމުންނެވެ.