ރައީސުލްޖުމްހޫރިއްޔާގެ އަނބިކަނބަލުން ސާޖިދާ މުހައްމަދުގެ ދޮންބައްޕަ، އަލީ އިބްރާހިމް (ދޮން އަލިބެ) އަވަހާރަވުމާއި ގުޅިގެން ޕީޕީއެމް/ޕީއެންސީން ތައުޒިޔާ ކިޔައިފިއެވެ.
ދ. މީދޫ ގުލްޝަންކިނާރާ، އަލީ އިބްރާހިމް (ދޮން އަލިބެ) އަވަހާރަވީ ރޭގެ ފަތިހުގެ ވަގުތެއްގައެވެ. އަވަހާރަވިއިރު، އުމުރުފުޅަކީ 78 އަހަރެވެ
އަލިބެ އަވަހާރަވުމާއި ގުޅިގެން، ޕީޕީއެމް ޕީއެންސީން މިއަދު ނެރުނު ނޫސްބަޔާނެއްގައި ބުނެފައިވަނީ މެޑަމް ސާޖިދާގެ ބައްޕާޕުޅު މަޤާމުގައި ހުންނެވި އަލީ އިބްރާހިމް (ދޮން އަލިބެ) އަވަހާރަވި ޚަބަރު އެ ކޯލިޝަންގެ ހުރިހާ މެމްބަރުން ވެސް އެހީ ފުން ހިތަމާއާ އަސަރާއެކު ކަމަށެވެ.
އަދި އެއީ އެ ކޯލިޝަނަށް ލިބިގެންދިޔަ ވަރަށް ބޮޑު ހިތާމައެއް ކަމަށާ އެކަމުގެ ހިތާމައިގައި ކޯލިޝަންގެ އެނެމެހާ މެމްބަރުން ބައިވެރިވެ ރައީސް ޑރ. މުހައްމަދު މުއިއްޒާއި މެޑަމް ސާޖިދާ އާއި އާއިލާއަށް ހުރިހާ މެމްބަރުންގެ ނަމުގައި ވަނީ ތައުޒިޔާ ކިޔާފައެވެ.
މިއާއެކު އެ ކޯލިޝަނުން ވަނީ މަރްހޫމްގެ ފުރާނައަށް ރަހުމަށް ލައްވައި ފާފަ ފުއްސަވައި ސުވަރުގޭގެ މަތިވެރި ނިއުމަތި މިންވަރު ކުރެއްވުމަށް އެދި ދުޢާކޮށްފައެވެ.
މެޑަމް ސާޖިދާގެ ދޮންބައްޕާޕުޅު އަވަހާރަވުމާއި ގުޅިގެން ޕީޕީއެމްއިން ތައުޒިޔާ ކިޔާފައިވާއިރު ރައީސުލްޖުމުހުރިއްޔާ ޑރ. މުއިއްޒު ވަނީ ވީހާވެސް ގިނަ ބަޔަކު ކަށުނަމާދުގައި ބައިވެރިވުމަށް އެދިވަޑައިގެންފައެވެ.
.ދޮން އަލިބެގެ ޖަނާޒާ އޮތީ މިއަދު މެންދުރު ނަމާދަށް ފަހު އިސްލާމީ މަރުކަޒު ގައެވެ. މޫނު ދެއްކުން ވެސް ކުރިއަށް ގެންދާނީ މަރުކަޒު ގައެވެ.
Advertisement
This content is created and paid for by advertisers and does not involve Voice Journalists
