މި ސަރުކާރުންވެސް ފައިސާ ޗާޕް ކުރަމުންދާ ކަމަށް ވިދާޅުވެ، ކުރީގެ ރައީސް، އަބްދުالله ޔާމީން އަބްދުލްޤައްޔޫމް ދައްކަވާފައިވަނީ ހަޤީގަތާއި ޚިލާފް ވާހަކަ ތަކެއް ކަމަށް ރައްޔިތުންގެ މަޖިލީހުގެ ހިތަދޫ މެދު ދާއިރާގެ މެންބަރު އަޙްމަދު އަޒާން މަރްޒޫޤް ވިދާޅުވެއްޖެއެވެ.
ޕީޕަލްސް ނެޝަނަލް ފްރަންޓް (ޕީއެންއެފް) އިން ޖޫން 24 ވީ ހޯމަ ދުވަހުގެ ރޭ ބޭއްވި ޖަލްސާގައި، ވާހަކަ ދައްކަވަމުން ޔާމީން ވަނީ މި ސަރުކާރުން ފައިސާ ޗާޕްކުރާ ކަމަށް ތުހުމަތު ކުރައްވާފައެވެ.
މިއަދުގެ ހިސާބަށް ބަލައިނަމަ، 'އެޑްވާންސެސް ޓު ދަ ގަވަމެންޓް' އަށް އުޅެނީ 14.7 ބިލިއަން ރުފިޔާ ކަމަށާއި އެހެންވީމަ މިއައީ އެއްކަލަ 13.7 ބިލިއަން. އެހެންވީމަ އެމްއެމްއޭއިން ބޮރޯ ކޮށްގެން މި އުޅެނީ. މިގޮތަށް ނަގައިފި ކަމަށް ވަންޏާ އެއީ ހަމަ ފައިސާ ޗާޕު ކުރުން. އެއް ނަތީޖާއެއް އެއީ. ފައިސާ ޗާޕު ނުކުރަމޭ ވިދާޅުވެގެން ދައުލަތް ހިންގާ ގޮތަކީ އެއީ. އިގްތިސޯދީ ނަތީޖާއަކީ އެއީ ފައިސާ ޗާޕުކުރުން. އެމްއެމްއޭއަކުން ސަރުކާރުން ލޯނު ނަގައިގެން މިގޮތަށް ސަރުކާރެއް ނުހިންގޭނެ. އެއީ ގޯހެއް،"
"އެހެންވީމާ ފައިސާ ވެސް އެހުރީ ޗާޕުކޮށްފައި. އެއީ ޗާޕުކޮށްގެން ބޭރުން ގެނައީކީ ނޫން. ޗާޕުކޮށްގެން ގެނެސް އެމްއެެމްއޭގައި ބަހައްޓާފައި ހުރި ފައިސާ ނަގައިގެން މި އުޅެނީ. އެހެންވީމާ އެއީ ޗާޕުކުރި ފައިސާ. އެމްއެމްއޭގެ ރިޒާވުގައި މިހުރި ފައިސާއަކީ ބޭންކުތަކުން ބަހައްޓާ ބޭންކުތަކުގެ ޑިޕޮސިޓެއް ނޫން." ޔާމީން ވިދާޅުވިއެވެ.
ޔާމީންގެ ވާހަކައާއި ގުޅިގެން، ވީޓީވީގެ ފަސްމަންޒަރު ޕްރޮގްރާމްގައި ވާހަކަ ދައްކަވަމުން އަޒާން ވަނީ ރައީސް ޔާމީންގެ އެ ވާހަކަތަކަކީ ހަގީގަތާއި ޚިލާފް ވާހަކަ ތަކެއް ކަމަށް ވިދާޅުވެފައެވެ.
ރައީސް މުޢިއްޒުގެ ސަރުކާރުން ފައިސާ ޗާޕެއް ނުކުރޭ. މިއީ ހަމަ ކޮންމެ ބޭފުޅަކަށްވެސް ހަމަ ބަލާލެވޭނެ. އެމްއެމްއޭގެ ވެބްސައިޓުން ކޮންމެ މަހަކުވެސް އާއްމު ކުރާނެ، ސްޓޭޓްމަންޓް އޮފް ފިސްކަލް ޕޮސިޝަން ކިޔާ ޕޭޕަރ އެއް. އޭގައި ހުންނާނެ މި މައުލޫމާތު ވަރަށް ތަފްސީލްކޮށް. އެމްއެމްއޭގެ ފައިސާ ހުރިވަރާއި، ބާޒަރުގައި މިހާރު ދައުރުވަމުންދާ ފައިސާގެ އަދަދާ
މަޖިލީހުގެ ހިތަދޫ މެދު ދާއިރާގެ މެންބަރު އަޙްމަދު އަޒާން މަރްޒޫޤް
މީގެ އިތުރުން އެޑްވާންސް ޓު ދަ ގަވަރމަންޓް ނަމުގައި ސަރުކާރަށް ފައިސާ ދޫކުރި ކަމަށް ޔާމީން ވިދާޅުވެފައި ވާއިރު، 1 ޖަނަވަރީ މަހުން ފެށިގެން އެމްއެމްއޭއިން އާއްމު ކުރާ ތަފާސް ހިސާބު ތަކުގައި އެނަމުގައި އެއްވެސް ސެކްޝަނެއް ނުއިންނާނެކަމަށް އަޒާން ވިދާޅުވިއެވެ.
އަޅުގަނޑަށް ހީވަނީ ރައީސް ޔާމީނަށް އެހެން އަހަރެއްގެ ސްޓެޓިސްޓިކެއް ކަންނޭނގެ އެ ފެނުވަޑައިގެން އުޅުއްވަނީ. އެއީ 1 ޖަނަވަރީ 2024 އިން ފެށިގެން އެމްއެމްއޭއިން އާއްމުކުރި އެއްވެސް ސްޓެސްޓިކް ޕޭޕަރެއްގައި އެޑްވާންސް ޓުދަ ގަވަމަންޓް ކިޔާ ސެކްޝަނެއް ނީންނާނެ. އެއީ ސުމެއް. އެޑްވާންސްޓުދަ ގަވަރމަންޓް އެއީ ފައިސާ ޗާޕްކުރާ އަދަދު. އެ އަދަދު ސުމެއްގައި ހުންނާނީ. އެހެންވީމާ ފައިސާ ޗާޕްކުރާ ވާހަކައެއީ ހަގީގީ ވާހަކައެއް ނޫން.
މަޖިލީހުގެ ހިތަދޫ މެދު ދާއިރާގެ މެންބަރު އަޙްމަދު އަޒާން މަރްޒޫޤް
މީގެ އިތުރުން، ފިސްކަލް ރެސްޕޮންސިބިލިޓީ އެކްޓް ގެ ދަށުންވެސް ކޮންމެވެސް ވަރަކަށް، 271 މިލިއަން ރުފިޔާ ސަރުކާރަށް ބޭނުން ނަމަ ނެގޭނެ ކަމަށާ، އެހެން ނަމަވެސް، އެވަރަށްވެސް މި ސަރުކާރުން ފައިސާ ނަގާފައި ނުވާ ކަމަށް އަޒާން ވިދާޅުވިއެވެ.
އަޒާން ވިދާޅުވީ ފާއިތުވި 4 ވަރަކަށް މަސް ދުވަސް ދިޔައީ ވަރަށް އުނދަގޫކޮށް ކަމަށާ، އެހެން ނަމަވެސް ސަރުކާރުން މަސައްކަތް ކޮށްފައިވަނީ އެ ފައިސާ ނުނަގައި، ބޮންޑާއި ޓީ ބިލް ވިއްކައިގެން ފައިސާ ހޯދަން ކަމަށެވެ.
Advertisement
This content is created and paid for by advertisers and does not involve Voice Journalists
