އެމްޓީސީސީއިން ޔޫރޯ ފުޓުބޯޅަ މުބާރާތާއި ގުޅުވައިގެން ކުރިއަށްގެންދާ ޕްރޮމޯޝަންގައި ބައިވެރިވި ފަރާތްތަކަށް އަމާޒުކޮށް ބަޔަކު ސްކޭމެއް ހިންގަމުންދާތީ އެކަމަށް ސަމާލުވުމަށް އެ ކުންފުނިން އެދެފިއެވެ.
އެމްޓީސީސީން ބުނީ، އެ ކުންފުނީގެ ނަމުގައި، މި ޕްރޮމޯޝަންގައި ބައިވެރިވެފައިވާ ފަރާތްތަކަށް އޮޅުވާލައިގެން "ފިޝިން ސްކޭމް" އެއް ކުރިއަށްގެންދާ ކަން ފާހަގަ ކުރެވިފައިވާ ކަމަށެވެ.
އެހެންކަމުން، މި ޕްރޮމޯޝަންގައި ބައިވެރިވި ފަރާތްތަކަށް ވަކި ވަގުތެއްގެ ކުރިން ރަޖިސްޓަރވާން ކަމަށްބުނެ، އެއްވެސް މެސެޖެއް ނުވަތަ ލިންކެއް ފޮނުވާފައިވާނަމަ އެކަމަށް ސަމާލުވުމަށް އެމްޓީސީސީން އެދިފައިވާއިރު، އެ ކުންފުނިން ބުނީ، މިފަދަ ސްކޭމެއްގައި ޖެހި، ޕާސްވޯޑް ދެވިފައިވާނަމަ އަވަހަށް ޕާސްވޯޑް ބަދަލުކުރަން އެދޭ ކަމަށެވެ.
ހަމައެއާއިއެކު، އިތުރު ރައްކާތެރިކަމަށްޓަކައި އެއްވެސް ފަރާތަކާއި އޯޓީޕީ ހިއްސާ ނުކުރުމަށާއި، ޓޫފެކްޓަރ އޯތެންޓިކޭޝަން އަބަދުވެސް އެކްޓިވޭޓްކޮށްފައި ބެހެއްޓުމަށް އެމްޓީސީސީ އިން އިލްތިމާސް ކުރެއެވެ.
Advertisement
This content is created and paid for by advertisers and does not involve Voice Journalists
