ވިލުފުށީ ދާއިރާގެ މެންބަރު ހަސަން ވަހީދުގެ ނަމުގައި މީސްމީޑިއާގައި ފޭކު އައިޑީއެއް ހަދާފައިވާކަމަށް ބުނެ، އެކަމަށް ސަމާލުވުމަށް މެންބަރު ހަސަން ވަހީދު އާންމުންނަށް އިލްތިމާސްކުރައްވައިފިއެވެ.
މެންބަރު ހަސަން ވަހީދު އިއްޔެ މީސްމީޑިއާގައި ކުރެއްވި ޕޯސްޓެއްގައި ވިދާޅުވެފައިވަނީ، އޭނާގެ ނަމުގައި ބަޔަކު ހަދާފައިވާ ފޭކު އައިޑީއެއް މީސްމީޑިއާގައި ދައުރުވަމުންދާ ކަމަށެވެ. މިކަމަށް އެންމެން ސަމާލުވެ، އެ އައިޑީ ރިޕޯޓުކޮށްދިނުމަށް އެދިވަޑައިގެންފައިވެއެވެ.
"މިއީ އަޅުގަނޑުގެ ނަމުގައި ބަޔަކު ހަދާފައިވާ ފޭކު އައިޑީ އެއް. އެންމެ ބޭފުޅުން ވެސް މިކަމަށް ސަމާލު ވެލައްވަވާ، އަދި މިއައިޑީ ރިޕޯޓް ކޮށް ދެއްވަވާ،" މެންބަރު ހަސަން ވަހީދު ވިދާޅުވިއެވެ.
މީސްމީޑިއާގައި މިފަދަ ފޭކު އައިޑީތައް ހެދުމަކީ އާދައިގެ ކަމަކަށްވެފައި، ގިނަ ފަހަރު މިފަދަ އައިޑީތަކުން ދޮގު މަޢުލޫމާތު ފަތުރާކަން ފާހަގަކުރެވެއެވެ. މިކަހަލަ އައިޑީތަކުން ކުރާ ޕޯސްޓުތަކަށް ސަމާލުވެ، ޞައްޙަ ނޫން މަޢުލޫމާތު ފެތުރުމުން ދުރުހެލިވުމަށް ސަމާލުކަން ދިނުމަކީ މުހިންމު ކަމެކެވެ.
Advertisement
This content is created and paid for by advertisers and does not involve Voice Journalists
