ކުރީގެ ޓެކްނޮލޮޖީ މިނިސްޓަރ، މުހައްމަދު މަލީޙް ޖަމާލް، ރަޢީސުލްޖުމްހޫރިއްޔާ ޑރ މުހައްމަދު މުޢިއްޒުއާއި އެމަނިކުފާނުގެ އަނބިކަނބަލުން ސާޖިދާ މުޙައްމަދަށް ނިސްބަތްކޮށް ދެއްކި ވާހަކަތަކަށް ވިލިމާލޭ ދާއިރާގެ މެންބަރު، މުހައްމަދު އިސްމާޢީލް ރައްދު ދެއްވައިފިއެވެ.
ބުރާސްފަތި ދުވަހުގެރޭ ޕީއެންއެފް ފްރޮންޓް އޮފީހުގެ ޖަލްސާގައި މަލީހު ދެއްކި ވާހަކަތަކަށް ރައްދު ދެއްވައި މުހައްމަދު އިސްމާޢީލް އެކްސްގައި ކުރެއްވި ޕޯސްޓެއްގައި ވަނީ، މަލީހު އިންސާނީ އުސޫލުން ބޭރުވެ ކިއޭ ނުކިއޭ އެއްޗެއްނޭގޭ ހިސާބަށް ގޮސްފައި ކަމަށް ވިދާޅުވެފައެވެ.
އަދި އިންސާނާގެ ބަސްމަގާ އަމަލްތައް އެ ހިސާބަށް ދިއުމުން މިއަދު ދިވެހި މުޖުތަމަޢު ބަލައިގަންނާނެކަމަށް ދެކުމަކީ ގައިރު ޒިންމާދާރު ދެކުމެއް ކަމަށްވެސް އޭނާ ވިދާޅުވުއެވެ.
އިއްޔެ ތިބިގޮތްވެސް، އިއްޔެ ކީ އެއްޗެހިވެސް، މިއަދު ކިޔަމުންތިޔަ ގެންދަވާ ހަޑިމުޑުދާރު އަހުލާގީ މިންގަނޑެއްނެތް އެއްޗެހިވެސް ކިއުމުގެ އަސްލަކީ ކޮބައިކަން ސާފްކޮން އިގެންއެބަހުރި
މުހައްމަދު އިސްމާޢީލް
މީގެ އިތުރުން މުހައްމަދު އިސްމާޢީލް ވިދާޅުވީ، ރައީސް މުޢިއްޒުގެ ހިތްވަރުފުޅާއި، ހަރުދަނާ ސިޔާސަތުގެ ދަށުން ދިވެހީންނާއި، ދިވެހިރާއްޖެ ދާނީ ހަލުވިދުވެލީގައި ކުރިއަށް ކަމަށެވެ. އަދި އަދާވާތްތެރިން ބަލިކުރާނެ ކަމަށްވެސް އޭނާ ވިދާޅުވިއެވެ.
Advertisement
This content is created and paid for by advertisers and does not involve Voice Journalists
