ސުނާމީ ކާރިސާއަކަށް އިޖާބަ ދިނުމަށް މުޖުތަމައު ތައްޔާރު ކުރުމަށް ޕްރޮގްރާމެއްބާއްވަން ނިންމައިފިއެވެ.

މޯލްޑީވްސް ސުނާމީ ރެޑީޓްރެއިނިންގ ޕްރޮގުރާމް މިއަހަރި އޮގަސްޓް މަހު 5 އިން 9 އަށް ބާއްވަން ނޭސަނަލް ޑިޒާސްޓާ މެނޭޖްމެންޓް އިން ހަމަޖައްސާފިއެވެ.

ޤުދުރަތީ ކާރިސާތަކަށް ނާޒުކު ރާއްޖޭގެ ރަށްތަކަކުގައި ދިރިއުޅޭ ރައްޔިތުންނަކީ ކާރިސާގެ ކަންކަމަށް އަހުލުވެރި، ކާރިސާތަކަށް ތައްޔާރުވެ ތިބި ބަޔަކަށް ހެދުމަށާއި، ކާރިސާއެއް މެދުވެރިވެއްޖެ ހާލަތެއްގައި އަމަލު ކުރާނެ ގޮތުގެ ގޮތުގެ ތަމްރީނާއި އެކަމުގެ ހުނަރު އަދި މައުލޫމާތު ލިބިފައިވާ ވިލުންތެރި ރައްޔިތަކު ދިރިއުޅޭ ތަނަކަށް ހެދުމަށް މި އޮތޯރިޓީން ދަނީ ވަރަށް ގިން މަސައްކަތްތަކެއްކުރަމުންނެވެ.

Advertisement

އެގޮތުން، "ޔުނެސްކޯ" (UNESCO) "އިންޓަރ ގަވަރމެންޓަލް އޯޝަނޯގްރެފިކް ކޮމިޝަން" (އައި.ޖީ.އޯ.ސީ)، އިންޑޮނޭޝިއާގެ މޫސުމާއިބެހޭ އިދާރާ ބީ.އެމް.ކޭ.ޖީ އިން ޤައުމުތަކުގައި ކުރިއަށް ގެންދާ "ނެޝަނަލް ސުނާމީ ރެޑީ ޓްރެއިނިންގ((NTRT ޕްރޮގްރާމް" ނޭޝަނަލް ޑިޒާސްޓަރ މެނޭޖްމަންޓް އޮތޯރިޓީ (އެން.ޑީ.އެމް.އޭ) އާއި ގުޅިގެން ދިވެހިރާއްޖޭގައި ކުރިއަށް ގެންދިއުމަށް ހަމަޖެހިފައިވާކަމަށް އުޒާރާއިން ހާމަކޮށްފައިވެއެވެ. މި ތަމްރީން ޕްރޮގްރާމަކީ ސުނާމީ ކާރިސާއަކަށް އިޖާބަ ދިނުމަށް މުޖުތަމައުތަކުގެ ތައްޔާރުކަމާއި، ވިލުންތެރިކަން އިތުރުކުރުމުގެ ގޮތުން ކުރިއަށް ގެންދެވޭ ޕްރޮގްރާމްތަކެއްކަމަށްވެސް ހާމަކޮއްފައިވެއެވެ.

އަދި މި ޕްރޮގްރާމްގެ ދަށުން ސުނާމީ ކާރިސާއެއްގެ ސަބަބުން ރައްޔިތުންގެ ފުރާނައާއި، ބިނާރާއި، ދަނޑުބިމާއި، ކައިބޮއި ދިރިއުޅުމަށް ކުރަމުން އައި އެންމެހައި މަސައްކަތްތައް ނެތި ގޮސް ލިބިދާނެ ބޮޑެތި ގެއްލުންތަކުން ރައްކާތެރިވުމަށް އެކަށައެޅޭ އިސްތިރާޖީ ތަކާއެކު ރާއްޖޭގެ ރަށްރަށަކީ "ސުނާމީއަށް ތައްޔާރު" ރަށްރަށްކަން ފާހަގަ ކުރެވިގެންދާނެއެވެ.

މި ތަމްރީން ޕްރޮގްރާމް ރާއްޖޭގައި ފެށުމުގެ ފުރަތަމަ ހަރަކާތެއްގެ ގޮތުގައި ރާއްޖޭގެ ރަށްރަށުގައި މިތަމްރީން ޕްރޮގްރާމް ހިންގާނެ ފެސިލިޓޭޓަރުން ތަމްރީން ކުރުމަށް 2024 އޮގަސްޓް 5 އިން 7 އަށް ޓްރެއިން އޮފް ޓެރެއިނާސް TOT ޓްރެއިނިންގ އެއް ކުރިއަށް ގެންދިއުމަށްވެސް ވަނީ ހަމަޖެހިފައެވެ. މިތަމްރީން ޕްރޮގްރާމްގައި މިނިސްޓްރީ ތަކާއި އެކިއެކި ވުޒާރާތަކާއި، ސިޓީ އަދި ރަށުކައުންސިލްތަކާއި، ޖަމިއްޔާ ޖަމާއަތްތަކުންނާއި އެކިއެކި ކުންފުނިތަކުން 40 އަށް ވުރެ ގިނަ ބައިވެރިން ތަމްރީނުކުރެވިގެންދާނޭކަމަށްވެސް ހާމަކޮށްފައިވެއެވެ. މީގެ ތެރޭގައި އެންޑީއެމްއޭ، މޯލްޑިވްސް މީޓިއޮރޮލޮޖިކަލް ސަރވިސް، ދިވެހި ފުލުހުންނާއި ސިފައިން، ދިވެހި ރެޑްކްރެސެންޓް އަދި ސަރުކާރުގެ އެހެނިހެން އިދާރާތަކާއި ހިލޭ ސާބަހަށް މަސައްކަތްކުރާ ޖަމާޢަތްތައް މީގެ ތެރޭގައި ހިމެނެއެވެ.