އިޖުތިމާޢީ އަދި ޢާއިލީ ތަރައްޤީއާ ބެހޭ ވުޒާރާއާއި މޯލްޑިވްސް ޕޮލިޓެކްނިކާއި ގުޅިގެން ނުކުޅެދުންތެރިކަން ހުންނަ ފަރާތްތަކަށް އަމާޒުކޮށްގެން އިލެކްޓްރިކަލް އިންސްޓޯލްމަންޓް އެންޑް މެއިންޓެނަންސް ކޯސް އޮގަސްޓް 4 ވީ އާަދިއްތަ ދުވަހުގައި ފަށައިފިއެވެ.

މި ކޯހުގައި އަޑު އެހުމުގެ ނުކުޅެދުންތެރިކަން ހުންނަ 17 އަށްވުރެ ގިނަ ފަރާތަކުން ވަނީ ބައިވެރިވެފައެވެ.

މޯލްޑިވްސް ޕޮލިޓެކްނިކްގެ މާލެ ކެމްޕަހުގައި ހިންގާ މި ކޯހަކީ އިލެކްޓްރިކަލް އިންސްޓޯލްމަންޓް އެންޑް މެއިންޓެނަންސްގެ ދާއިރާއިން ޤައުމީ ސެޓްފިކެޓް ލެވެލް 3 ގެ ކޯހެއް ކަމަށާއި މި ކޯސް ފުރިހަމަ ކުރާ ކޮންމެ ފަރާތްތަކަށް ގޭގެއަށް ގޮސް އިލެކްޓްރިކަލް މަސައްކަތްކުރުމުގެ ލައިސެންންސް ވެސް ލިބިގެންދާނޭކަމަސް އެއުޒާރާއިން ވިދާޅުވެފައިވެއެވެ.

ޕޮލިޓެކްނިކާއި ގުޅިގެން ފެށި މި ކޯހަކީ، ނުކުޅެދުންތެރިކަން ހުންނަ ފަރާތްތަކަށް އާމްދަނީ ހޯދޭނެ މަގު ފަހިކުރުމާއެކު، ވަޒީފާގެ މައިދާނުގައި ނުކުޅެދުންތެރިކަން ހުންނަ ފަރާތްތަކަށް ހަމަހަމަ ފުރުޞަތުތައް ހޯދައިދިނުމަށް ބާރުއެޅުމުގެ ގޮތުން އިޖުތިމާއީ އަދި އާއިލީ ތަރައްގީއާއި ބެހޭ ވުޒާރާއިން ކުރަމުން ގެންދާ ގިނަ ގުނަ މަސައްކަތްތަގުގެތެރެއިން މަސައްކަތެއް ކަމަށްވެސް ބުނެފައިވެއެވެ. 

އަދި މިކޯހުގެ ދިގުމިނަކީ 6 މަސް ކަމަށްވެސް އިޖުތިމާޢީ އަދި ޢާއިލީ ތަރައްޤީއާ ބެހޭ ވުޒާރާއިން ވިދާޅުވެފައިވެއެވެ.